Posts

Dagane er so korte her i Fresvik

Det rann av dag og av røv, laurdag 21. Juli i det Reidars år 2007, moglegheitene var mange og ansikta fleire. Leiinga hadde mykje og mangt å henga fingrane i, men øpst på programmet stod bygging av scena! Etter å ha blitt hooka opp monsterkubbe style, var håpet no på topp i leiinga. – Her skal det verte ei helsevesenets scene, sa PC, han hadde ting i fjes denne dagen.

Etter mykje vatring, snikring, saging banning et cetra kom da omsider på plass eit rammeverk ulikt noko anna rammeverk nokon gong bevitna av nokon person nokon plass. Etter det vart leiinga einige om å unngå ordet ”nokon”.

Etter ein hard dags jobb sette leiinga seg so ned og tok ein velfortent pilsner type lys. Dei fekk etterkvart besøk av ingeniør og all round good guy Robert Borlaug. Han mønstra på ein veltrent overkropp og ein heil del pils. So gjekk dei ut på byn i Fresvik. Leiinga har planar om å vanhelliga kviledagen vert det sagt…

Leiinga samla i Fresvik

17. juli 2007 vil gå inn i Fresviksoga som ein regntung dag. Omfanget av uteaktivitetar vart difor halde på eit heller beskjedent nivå. Dagen vart i hovudsak nytta til å bygge Fres-nettverket, mellom anna med eit møte på Fresvik Produkt (FP) og telefonisk kontakt med PA-entreprenørane i Ivory.

Utpå ettermiddagen kom festivalsjef Håvard, denne gongen i ein standsmessig Volvo, og vi samla oss på eit kaffi- og vaffelmøte med festivalsveisar og kompetent mann Robert Borlaug i nabobygda Feios.

I ni-tida kjem LT til gards, og heile festivalleiinga er endeleg samla. Med seg i bagasjen har han ein forleggjande haug festivalpass.

– Vi er i år ein dynamisk og tett samanvevd organisasjon, seier PC. – Nett som desse banda.

– Dette er gjennomtenkt, samtykker Håvard.

Så set alle seg ned med sine respektive datamaskiner og bloggar av hjartans lyst.

Dynamikk

Leiinga og Ingeniøravdelinga inspiserte festivalområdet

– Jau, her er det nok ein del å gjera,seier ein fokusert Robert Borlaug, festivalsveisar og leiar for Ingeniøravdelinga ved Fres Festival 2006. Det var ein arbeidsklar Festivalsveisar samt eit ikkje namngitt medlem av Festivalleiinga som søndag føremiddag inspiserte festivalområdet og festivalcampen. Etter det Nyhende erfarar kom Leiinga og Ingeniøravdelinga i samråd fram til at det i år som i fjor vil verta ei sceneløysing i tre.

Observante lesarar var kjapt ute med å påpeika at et er merkeleg å ha ein festivalssveisar når ein skal gå for ei sceneløysing i tre, men dette stiller Festivalsveisar Borlaug seg humrande til.

– Jau, det er kanksje litt over the top, men som dei seier i Leirvik, der det er festival er ein sveisar alltid god å ha, seier ein oppglødd Robert Borlaug på 3G frå Fadnastølen.

Nyhende kjem attende med meir