Innlegg

It begins!

Fres Festival 2009

Fres Festival 2009 -- nytt år, ny logo

Kjære Fresvikjer, festivalentusiastar, arbeidsledige og andre hardt prøvde individ! Nok ein gang er det i ferd med å henda. Nok ein gang vert det rapportert om fire merkelege personar snakkar eit uforståeleg språk over pilsner, fernet og notatblokker på den mest uheilage av uheilage pubar; Café 33.

Nok ein gang vert det fanga opp signal frå underverda om at dyret er i ferd med å vakna or vintersvevnen for nok ein gang å redda festivalsommaren, berre for deg. Etter å ha lege slumrande sidan sidan siste helga i juli, har det dei siste vekene blitt rapportert om at eit svakt svakt teikn til puls har blitt høyrt frå Fresorganismen sitt mest vitale organ; Leiinga

Skatterot i ledelsen? (FOS 2007:7)

Skattelistene for 2006 er ute, og etter nøye gjennomgang finner FresSB sprekker i ledelsens skatteopplysninger.
Read more

The hour draws nigh!!

HovudscenaLeiinga på plass i Fresvik!
Den mest uavhegige og kredible festivalen i Fresvik om dagen nærmar seg med stormskritt. Med knappe to veker igjen til festivalstart inntok mest heile leiinga i Fres Festival 2007 Fresvik for å få på plass dei siste brikkene før det brakar laus siste helga i juli. Gunnar Husabø og Per Christian Schjerven Grov frå leiinga er i skrivande stund på plass på festivalområdet for å bedriva hands on festivaladministrasjon, pleiing av lokale kontaktar samt konsum av lapssodd og doggfriske. Det var ein opplagd halvdel av leiinga som møtte pressa på Fresvikkaien for ein prat og ein lollipop.

Kva er det mest presserande anliggande for leiinga om dagen?

– Det er nok utan tvil flytting av hovudscena samt tilhøyrande snekring i samband med opprustning av denne. Vi har den glede å kunna melda at vi kjem til å flytta hovudscena noko i forhold til fjordårets plassering.

Vil flytting av scena medføra at de vil misse noko av eigenarten Festivalen etterkvart har opparbeidd seg gjennom lange tradisjonar med kreativ sceneplassering?

– Hehe. Godt spørsmål, Kent, og eit rettferdig spørsmål. Vi kan heldigvis beroliga alle med at hovudscena framleis vil stå omkransa av rural sjarme på same måte som i fjor, men scena vil denne gongen peika mot vest i god kristen tradisjon, seier ein opplyst Gunnar Husabø som i same andedrag formleg innhalerar tre Farris med ein dråpe Lime.

Leiinga sonderar terrenget!

Vill bransjing då leiinga for Fres Festival vitja Oslofjøra og klubben Blå på utkikk etter potensielle fresartistar.

Visittkorta sat ekstra laust, og sjampisglasa var ekstra høge då Gunnar Husabø og Per Christian Grov frå leiinga i Fres Festival 2007 var på minifestival med det joviale vriompeislabelet Metronomicon Audio natt til fredag. Leiinga fekk med dette sjå det beste av kva hovudstaden har å by på av undergrunnsband. Ved det som på ein måte må kunna kallast eit lukketreff fekk Nyhende pressa inn ein liten prat med dei ellers so lyssky leiingsmedlemmane.

– Det er klart at eg snart lyt komma opp med ein ny måte å starta setningane mine på. No har eg trass alt byrja nesten alle svara mine med orda “det”, “er”, “klart” og “at”, noko som eg meinar er mogent for utskiftning til fordel for ei meir dynamsik og bimedial ordsamansetting. Når det er sagt vil eg berre få sei at det er utruleg kjekt å væra her på Blå og sjekka ut ny og fresh musikk samt henga ut med bransjefolk av same kaliber som mitt eige, seier ein avslappa men fokusert Grov idet han deler ut endå eit visittkort og slepp eit importert jordbær ned i sjampanjeglaset.

Attmed Grov står partner in festival crime, Gunnar Husabø, og sippar refelktert på ein gin-tonic.

– Eg må sei, eg hadde egentleg føretrekt eit eller anna smakssett vatn med kolsyre å drikka, men sidan dette ikkje er ein pressekonferanse får det gå for denne gang. Ceteris paribus, dette er frekt arrangement med laus snipp og same mangel på pretensjonar som vi oppelskar i Fresvik siste helga i juli, og eg ser fram til å kunne utveksla erfaringar, nøkkelkompetanse og ressurspersonar med gjengen i Metronomicon Audio, seier ein dagleg, men smart, antrukken Husabø idet han tømer drinken og som nappa ut frå ein ambassadefest snappar til seg ein ny sjampis frå eit passerande brett.

Dei to glade gutane frå leiinga fekk med seg frekt kredible band som Pil Emil, Hanny, Magnus Moriarty, Koppen og Now We`ve Got Members. Det er i skrivande stund ikkje kome på det reine korvidt nokon av desse banda vil verte å oppleva på Fres 2007, men etter seiande skal det væra gode moglegheiter for at saxofonisten til Koppen vil verte å oppleva i ein eller anna konstellasjon til sumaren.