Journalistisk skandale frå lokal kulturblekke.

SA-journalist lovar bot og betring. Det var ikkje so reint få i leiinga av den kredible og bortimot uavhengige festivalen Fres Festival som sette morgonjuicen i halsen idet dei bladde opp i kulturdelen av lokalavisa Sogn Avis, tysdagsutgåva, og kunne lesa at deira eigen festival skulle gå av stabelen siste helga i JUNI(!) Som den merksame lesar har fått med seg går Fres Festival 2007 av stabelen siste helga i JULI , ikkje juni slik det feilaktig vart hevda i Sogn Avis. Dagen var ikkje før vorten kjønnsmoden før telefonlinjene inn til Fres HQ i Fresvik var overbelasta av forvirra festivaldeltakarar. Nyhende greidde som einaste partipolitisk uavhengige nyheitsorgan å få ein kommentar frå ein tydeleg overarbeidd men fatta Lars Tore Skau frå festivalleiinga.
- Denne dagen starta ikkje helt som eg hadde trudd nei. I fem timar no har eg sløkt brannar i det ganske land. Folk utrykkjer forvirring og tendensar til panikk når dei ringer inn og lurer på når festivalen eigentleg er. Vi må berre freista å roa dei ned som best vi kan. Vi har og oppretta eit kriseteam med sjukepleiarar og psykologar som dei verst ramma festivaldeltakarane kan henvenda seg til. Heldigvis er informasjon det einaste som skal til for at normaltilstanden vert gjennoppretta hjå innringarane, seier ein perspirerande Skau.

Kva som ligg til grunn for at feilinformasjon av denne typen kjem på trykk er enno ikkje kome på det reine, men Nyhende lukkast fredag føremiddag å komma i kontakt med Sogn Avis-journalist Joachim S Laberg som står bak den aktuelle artikkelen.
- Slikt skal sjølvsagt ikkje forekomma, ikkje eigong i Sogn Avis. Til mitt forsvar vil eg sei at eg vitterleg er klar over at Fres Festival 2007 går av stabelen siste helga juli, men nokre gonger går det litt fort i svingane i kulturblekka Sogn Avis. I tillegg har det nok vore mest fokus på saka sitt innhald, seier ein angrande Laberg som lovar bot, betring samt eit dementi.

Nyhende kjem attende med fleir

Vreid powered by Grooveart!

Det var etter det ein avslørande artikkel i det partipolitisk uavhengige nyheitsorganet Nyhende la for dagen at det kom for, jepp, dagen at Fres Festival sitt eige designburo Fresvik Says, representert ved kreativ motor Per Christian Grooveart Grov, hadde designa platecover for eit norsk metallband at rykta om kva band dette kunne væra nådde sitt absolutte klimaks 21. februar i år.

Litt uventa kom det difor at det var kulturblekka Sogn Avis som kom med den journalistisk gravande artikkelen som avlørte kva band det var tale om. Det var tale om det hardtmarsjerande black n’roll bandet Vreid. Det har i skrivande stund ikkje lukkast Nyhende å komma i kontakt med nokon av medlammane i ovanfornemnde metallkonstellasjon. Derimot kom Nyhende via mirc i kontakt med sjølvaste Fresvik Says sjefen Grooveart Grov for ein kjapp kommentar.

-LOL! Jau, det var kjempekjekt å få designa cover for eit band som Vreid. Etter det eg har høyr trur eg karane i Vreid og tykkjer det er framifrå å få sin bit av that Fresvik feeling innan design. Raudt kjøt og designkvalitet går hand i hand seiet no eg, vart det meldt frå Grov hvis kjenlser var vanskeleg å tolka då meldinga kom over ein irc kanal.

Fresn.com no endå frekkare enn tidlegare.

Medie-Noreg spør seg; er det mogleg? Fres Festival 2009 får eigen festivalradio i sommar. Sendingane vil gå heile føremiddagen, live frå campscena, og leiinga lovar musikk og intervju av og med alle Fresartistane. Per Christian Grov frå festivalleiinga fortel at dette er eit prøveprosjekt mellom festivalleiinga for Fresn og studentradioen i Oslo.

- Me trur og vonar at RadioFres blir stor suksess, seier Grov oppglødd, og etterlyser musikk frå fleire Fresnartistar.

- Kom dykk i studio, me treng meir materiale, kommanderar festivalsjefen.

Denne artikkelen er i si heilheit saksa frå kulturavisa Sogn Avis.

…publikum kan enn so lenga nyta webradioen ved å klikka på linken på framsida.

økologoiske produkt i produksjon farleg nær Fresvik. Det som såg ut til å verte ei roleg veke for Leiinga for Fres Festival 2006 vart femte juni, dagen før satans dag sjette juni 2006 (ei tilfeldigheit, vi trur ikkje det, red.anm) omgjort til noko i retning av ei krigserklæring idet det kom leiinga for øyret at økologisk iskrem vert produsert i Feios, bygda på terskelen til Fresvik.

Leiinga melder om at dei tek dette svært alvorleg.
- Det herskar ingen tvil om at dette er stikk i strid med Manifrestets paragraf 157, sjette avdedeling, som uomtvisteleg seier at det ikkje vert høve til å nytta eller produsera øklogiske produkt på Fres Festival, seier ein vonbroten festivalsjef Lars Tore Skau på satelitt frå Bergen.

Noko av det som opprører leiinga mest skal etter seiande væra det særs inkriminerande sitatet frå Sogn Avis av femte juni:
- Det er spennande å prøva ut nye ting, og økologi er ein ideologi me liker, seier iskremprodusentane i Feios.

-Det opplevast naturlegvis som ubehageleg, ja nesten trugande, når noko slikt dukkar opp ei knapp mil frå festivalområdet. Vi er jo trass alt eit alternativ til alternative festivalar, seier ein alvorstynga men kampklar Gunnar Husabø frå Leiinga på teleks frå Ålesund der han i skrivande stund deltek i ein meir enn viktig konfirmasjon.