Innlegg

Leiinga sonderar terrenget!

,

Vill bransjing då leiinga for Fres Festival vitja Oslofjøra og klubben Blå på utkikk etter potensielle fresartistar.

Visittkorta sat ekstra laust, og sjampisglasa var ekstra høge då Gunnar Husabø og Per Christian Grov frå leiinga i Fres Festival 2007 var på minifestival med det joviale vriompeislabelet Metronomicon Audio natt til fredag. Leiinga fekk med dette sjå det beste av kva hovudstaden har å by på av undergrunnsband. Ved det som på ein måte må kunna kallast eit lukketreff fekk Nyhende pressa inn ein liten prat med dei ellers so lyssky leiingsmedlemmane.

– Det er klart at eg snart lyt komma opp med ein ny måte å starta setningane mine på. No har eg trass alt byrja nesten alle svara mine med orda “det”, “er”, “klart” og “at”, noko som eg meinar er mogent for utskiftning til fordel for ei meir dynamsik og bimedial ordsamansetting. Når det er sagt vil eg berre få sei at det er utruleg kjekt å væra her på Blå og sjekka ut ny og fresh musikk samt henga ut med bransjefolk av same kaliber som mitt eige, seier ein avslappa men fokusert Grov idet han deler ut endå eit visittkort og slepp eit importert jordbær ned i sjampanjeglaset.

Attmed Grov står partner in festival crime, Gunnar Husabø, og sippar refelktert på ein gin-tonic.

– Eg må sei, eg hadde egentleg føretrekt eit eller anna smakssett vatn med kolsyre å drikka, men sidan dette ikkje er ein pressekonferanse får det gå for denne gang. Ceteris paribus, dette er frekt arrangement med laus snipp og same mangel på pretensjonar som vi oppelskar i Fresvik siste helga i juli, og eg ser fram til å kunne utveksla erfaringar, nøkkelkompetanse og ressurspersonar med gjengen i Metronomicon Audio, seier ein dagleg, men smart, antrukken Husabø idet han tømer drinken og som nappa ut frå ein ambassadefest snappar til seg ein ny sjampis frå eit passerande brett.

Dei to glade gutane frå leiinga fekk med seg frekt kredible band som Pil Emil, Hanny, Magnus Moriarty, Koppen og Now We`ve Got Members. Det er i skrivande stund ikkje kome på det reine korvidt nokon av desse banda vil verte å oppleva på Fres 2007, men etter seiande skal det væra gode moglegheiter for at saxofonisten til Koppen vil verte å oppleva i ein eller anna konstellasjon til sumaren.

Fres Festival representert i snobbete og elitistisk nettverk!

,

Misser leiinga fotfestet?
Det var ikkje so reint få i dei breie lag av folket som sette småbitter morgonkaffi i halsen idet dei vart var nyhenda om at Fres Festival er nemnt på nettstaden underskog.no, ein nettstad der kjendisar og andre utesvevande karakterar nettverkar og tipsar kvarandre om sine respektive happenings , events og cocktail parties. Nettstaden har mellom anna i den semikredible kulturblekka Aftenposten blitt omtala som heller snobbete.

Var dette startskotet på reisa som vil bringa leiinga i Fres Festival, folkets Festival, på ein einvegs luksusbillett inn til kjendishysteri, henging med kulturministrar og snorting av kokain, langt langt vekk frå Fresvik, telt, øl, rock og tofumotstand?

Dagen var ikkje blitt meir enn prepubertal før den allid agile leiinga sette handling framfor ord og seg sjølve bakom bord og kalla inn til pressekonferanse og brannsløkkning på Kunstnerenes Hus.

-Vi kan beroliga alle med at Fres Festival framleis vil gå av stabelen på Skausgarden i Fresvik og ikkje i eit obskurt industrilokale på Grønland. Det generelle veskeinntaket vil framleis bestå av leskande telt-temperert pilsnerøl og ikkje macciato (den nye latte. Red anm), det generelle næringsinntaket vil framleis bestå av grilla landgåande pattedyr og ikkje av…de skjønar, utla ein morgonfrisk, nonchanlant og Perrierslurpande Per Christian Grov frå leiinga til det respektable presseoppbodet.

På spørsmål om kvifor Fres Festival no er å finna på denne nettstaden svara Gunnar Husabø frå IT-avdelinga: – Vi ansåg det som vår plikt å opplysa til og med dei for kven omgang med folkeleg kultur fortonar seg som møbelsalg i romjula at det i Fresvik, Sogn Indre, finn stad ein festival av ein sopass frekk karakter at til og med desse har rett til å få vita om det.

Og på spørsmål om korleis den handlekraftige festivalleiinga har greidd å snika seg seg inn eit tilsynelatande hemmeleg og ugjenomtrengeleg nettverk svara ein tweedbekledd Husabø: – øh, nei altso. For å sei det sånn, Fresorganismen armar strekkjer seg pr no lenger enn til Vangsnes.