Nok ein lang episode frå podcastsendarane som dei er. Nummer sju i år.

http://radio.fresn.com/podcast/fresn_2008_ep7.mp3

TVNorge doku-team på veg etter at aprilspøk syner seg å væra ein sann spådom! Fresvik vil til Leikanger!

Det var ikkje reint få som sette kulturaen i halsen då dei vakna opp til denne overskrifta i den gravande kulturfokuserte avisa Sogn Avis i dag tidleg. Der kunne ein nemleg lesa at Fresvikjene ynskjer seg ut av Terravik og inn i Utdannings og Administrasjonsleikanger. Det som byrja som ein aprilspøk frå leiinga for den ekstremt uavhengige festivalen Fres Festival i Fresvik, enn so lenge Vik Kommune, skulle med andre ord syne seg å ha korn av sanning i seg. Den oppvakte lesar har sjølvsagt fått med seg at Fres Festival skulle flytta frå Fresvik til Leikanger og skifta profil frå musikk festival til litteratur og sakprosa festival. Det er dermed ikkje vanskeleg å skjøna at Fresvikjene gjerne vil følgja etter.

Den alltid agile leiinga kalla natt til i dag inn til ein ekstraordinær pressekonferanse Raddison Skau der dei med si sedvanlege no bullshit tilnærming til fakta svara på spørsmål frå eit massivt presseoppbod.

-Er det medlemmar av leiinga som per i dag kan reknast som synske, og kjem de til å selje dette medlemmet til TVNorge?

– Eit vanskeleg, men eit rettferdig spørsmål, Kent. Men nei, diverre er ingen av oss i leiinga sysnske, ja, forutan spådommar som vedkjem været sjølvsagt, og me veit rett og slett ikkje kvifor Fresvikjene har lyst å verte ein del av Leikanger, kommunen med det høge utdanningsnivaeuet og den enorme mengda offentlege kontorjobbar. Men at det har ei eller anna samanheng med den forutsette Fres Bokfestival på folkebiblioteket på Hermansverk, der kjeks so vel som nypete vil verta å få kjøpt, ja det må væra heva over tvivl, sa ein usedvanleg jovial Gunnar Husabø frå leiinga mellom mengder av forfriskningar med smak sovel som karbontilsetjing.

Radio-Noreg frå seg av skrekkblanda begeistring idet landets frekkaste og mest dynamiske radiokonsept returnerar!

Det var natt til 3 april at RadioFres med brask og bram la ut ein flett ny podcast på den kredible nettportalen fresn.no. Etter det Nyhende i skrivande stund er det framleis årdals ubestridt største son og høgast kvalifiserte medievitar Magnar Juan Kvalvik som er kaptein for ei radioskute som seglar for fulle segl inn i radioverdas internasjonale farvatn. Det er med andre ord ei stø hand som kjem til å manøvrera den agile mediefarkosten som er Radiofres gjennom ulike farvatn der skjær og fiendtlege ubåtar so vel som tett tåke lurer på horisonten. Propellert av framifrå radiohandverk og olja av talentlaus humor kjem, etter det Nyhende i skrivande stund kan erfara, SS Radiofres til å klappa til kai på campstage på Skausgarden siste laurdag i Juli for eit ekstraorinært liveshow der fleire av dine Radiofres favorittar kjem til å delta.

- Jah! No ere høgti! E ha pønta meh! seier ein mildt ekstatisk Magnar Kvalvik frå RadioFres i ein fax.

RadioFres podcast kan nytast her.

Festivalgjengarar i sjokk etter at vidgjeten musikkfestival i Sogn Indre vert litteratur og sakprosa festival! Mang ein festivalgjengar og musikkelskar i Indre Sogn og landet elles sette kaffi, juice og anna i halsen då dei på si daglege morgonsurfing innom fresn.com (eller.no) fekk den dramatiske nyhenda om at Fres Festival frå og med i år totalt endrar konsept. Festivalen som tidlegare år har vore ein fest for folk som set pris på rock, telt, lettsinn og brygg, har no totalt endra kurs og kjem til å verta ein festival med fokus på litteratur og sakprosa.

Det er og på det reine at festivalen med det vert flytta frå den joviale og lettsindige Skausgarden til dei langt meir passande lokala til Leikanger Folkebibliotek. Som følgje av høge utgifter til leige av lokalitetar vil det tilkomma eit svakt prishopp på fem hundre spenn pr festivaldøger, og innlosjoering vil ikkje væra innkludert i prisen. Det vil i følgje festivalleiinga ei heller verta høve til å nyta medbragt, sidan Leikanger Folkebibliotek ikkje tillet dette. Leiinga på si side meinar dei framleis har gjort ein bra deal sidan biblioteket kjem til å stilla med nytrekt nypete og kjeks, som det vil verta moglegheit for å innta mot ei lita godtgjerdsle.

Det var ei strålande fornøgd festivalleiinga som natt til tirsdag møte opp på ei monstørst ekstraordinær pressekonferanse for å svara på spørsmål om denne endringa av konseptuell retning for Fres Festival.

– Vi i leiinga er ekstremt nøgde med dette valet vi no etter eit kjapt møte har teke. Fresn slik vi hugsar den frå føregåande år var for sovidt artig, men vi følte at jovialiteten og lettsinnet var i ferd med å ta overhand. Fres Festival var rett og slett i ferd med å verte for triveleg, seier ein strikkevestbekledd Gunnar Husabø frå andre sida av ein tekopp med det som må ansjåst som ei svak til moderat mengde mjelk og søtningstilsetjing.

– Vi har etter råd frå eksterne konsulentar no komt fram til at å dedikera ei heil helg til å verkeleg gå i djupna på strukturar, dynamikkar og kontemprære strømningar i modernistisk sovel som tradisjonalistisk litteratur og sakprosa på Leikanger Folkebibliotek, vil falla i vel so god smak som grilling, chilling, musikkdigging og godstemming på Skausgarden i Fresvik. Vi føler og at ein langt høgare billettpris vil gjera sitt til å forsyna Nye Fres Festival med ein ekstra porsjon seriøsitet og kredibilitet, seier ein vadmelsbekledd Lars Tore Skau frå bak lesebrillene.

– Vi har kun ein ting å sei til alle bokormane der ute; Spenn dykk fast! Det vert vill litteraturaction på biblioteket siste helga i Oktober! Dette kjem til å ta flatt av! serier ein kakhikledd Per Christian Grov i vill ekstase over å få lov til å fordjupa seg i kontemporære sovel som klassiske forfattarar ei heil helg til endes.

Les meir her.