Innlegg

It begins!

Fres Festival 2009

Fres Festival 2009 -- nytt år, ny logo

Kjære Fresvikjer, festivalentusiastar, arbeidsledige og andre hardt prøvde individ! Nok ein gang er det i ferd med å henda. Nok ein gang vert det rapportert om fire merkelege personar snakkar eit uforståeleg språk over pilsner, fernet og notatblokker på den mest uheilage av uheilage pubar; Café 33.

Nok ein gang vert det fanga opp signal frå underverda om at dyret er i ferd med å vakna or vintersvevnen for nok ein gang å redda festivalsommaren, berre for deg. Etter å ha lege slumrande sidan sidan siste helga i juli, har det dei siste vekene blitt rapportert om at eit svakt svakt teikn til puls har blitt høyrt frå Fresorganismen sitt mest vitale organ; Leiinga

Leiinga bloggar!!

Internett er framtida, hevdar Per Christian Grov. Natt til tirsdag dumpa den fyrste bloggposten, og med det nyhenda, om at leiinga i Fres Festival 2007 vil blogga frå Fres HQ lokasjon Fresvik. Den hardtarbeidande og aldrikvilande gjengen som utgjer det mest vitale organet i Fresorganismen vil etter det rykta i mediemiljeuet tilseier dagleg legga ut bloggpostar om den eventuelle framdrifta i førebuinga til årets festival. Bloggen vil etter det leiande forskning på området tilseier gje eit unikt innblikk i korleis eit so agilt administrasjonssorgan som leiinga for Fres Festival maktar å gjera handling av ord og alvor av prat.

– Multimedialitet er alt i dagens EDB-samfunn, seier ein høgteknologisk Grov i ein teleks tirsdagsmorgon. Me har nyss fått innstallert snøggoppkopling til veven og er no klare til å spreia den glade bodskap til omverda. All vår kommunikasjon går om dagen via EDB-brev, dette for å understreka viktigheita av å ha Datakortet samt nytta EDB og IKT-baserte verkty, står det vidare i teleksen som tikka inn til Nyhende berre for nokre få minuttar sidan.

For å oppleva bloggen klikk her.