Posts

Ny påskekrim med Jon!

Like sikkert som mannskorrevy og lange quizar i avisene, er den hatteberande privatdetektiven Jon Jansen attende som påskekrimhelt. Denne gongen er ein dyrbar Ming-drage stolen frå den eksentriske samlaren Mr. Chan, og det er opp til Jon å løysa opp i floka.

Sjå påskemysteriet her!
I regi av ei styringsgruppe regulert under ei co-sourcingsavtale mellom fresn.com og jockorecords.com, vert den nyvinnande krimmen lagt ut som konkurranse for tredje år på rad. Nytt av året er at serieskapar Joachim Svanhildarson «Kimselimsen» Laberg har laga ei eiga Jon-side på jockorecords.com, der ein kan få tilgang til både årets påskekrim og dei to tidlegare Jon-historiene som har vorte publisert på fresn.com.

Det fagfolk innan påskekrimbransjen no spør seg, er om seieren i konkurransen nok ein gong går til øyvind V. Salte.

Nytt band bekrefta!! Tyyl tek turen til Fres!

Men siste bookingord var ikkje sagt! Idet folk i bookingmilieuet i landet elles hadde slege seg til ro med at no kunne ikkje bookingavdelinga på den so å sei uavhengige festivalen Fres Festival i den avsidesliggande men akk so naturskjøne bygda Fresvik på vestlandet karra til seg fleire potente rockeband syner det seg at nemnde bookingavdeling har sikra seg ballerockebandet Tyyl frå ås. Tyyl kjem til Skausgarden for å skjemma vekk årets festivalpublikum med frekk rock på sognamaol! Tyyl held til vanleg til rundt ås i Akershus, men kan none the less skryta av å ha med sjølvaste øppstakongen Håvard øyrehagen på vokal noko som i følgje det Nyhende har fått med seg er grunn nok til å ta turen til Fres Festival siste helga i juli. -Detta bandet tilhøyre Hagen, seier kulturjournalist Joachim S Laberg i ein kommentar.

Nyhende greidde tirsdags ettermiddag som einaste uhilda nyheitsorgan å få eit par ord ut av ein pressa PC Grov.

– Haha! Eg får meiroso flinao når eg tenkjer på at Tyyl kjem til Fresvik og Skausgarden for å dra noko som utan tvil kjem til å verta eit heilt sjeft sett med rockelåtar, seier ein oppglødd Per Christian Grov frå festivalleiinga over ei god skei lapssodd.

Innspurten er i gang

Festivalleiinga, representert ved Per Cliff og Gunnar rulla inn i Fresvikbygda i tre-tida i dag. Det første vi gjorde, var å reise innom bui og bunkre opp med lapskaus og sodd.  Dei yndige ekspeditrisene kunne fortelja at dei allereie er i gang med å fylla opp hyllene i påvente av festivalen.

Vi vart rørte til tårer av synet som møtte oss då vi kom opp til garden. Tunet var rydda og det hadde vorte sett opp gjerder ved Kafresn-luka og den no neddotne siloen. Inne i våningshuset var det oppreidde senger. Eigarane hadde til og med sett opp ei snøgg internettkopling (som no gjer det mogeleg å blogge frå garden).

-Fantastisk, sa PC.
Hovudscena
Vi gjennomførde ei rask synfaring av området der vi målte opp dei to scenene og kika etter potensielt bygningsmateriale.

Festivalleiar Ese kom i båt i sjutida, med ein representant for pressa. Vi varma opp lapssodden (merk: lapssodd skal aldri koka), og sette til livs eit herremåltid med flatbrød og smør attåt.  

-Smør er godt, sa PC

Etter synfaring nummer to sette vi oss til på verandaen med utsyn til fjorden og naut nokre kalde pilsner (sjølvsagt heldt både båtføraren og pressemannen seg klinkande edrue). Båtfolket returnerte til Systrond, og vi kunne la kveldsroen senkja seg over fresvikbygda.

Fresvik

Lokal avis hypar Fres-aktuelt band!

NME-tilstandar i Sogn Avis? Den lokale og kultuorienterte avisa Sogn Avis hadde i si torsdagsutgåva ein frekk tosiders artikkel om det Fres-aktuelle bandet Automobil frå øppste Jøsten. Mange spør seg no om Automobil kjem til å mista fotfestet fullstendig og gje seg hen til arenagigs, kokain og feite sponsoravtalar med SonyEricsson etter at Sogn Avis no har peika dei ut som “Eit nytt og lovande Sognaband”.

Den kontroversielle artikkelen i torsdagens Sogn Avis er skrive av den gravande kulturjournalisten og bloggaren Joachim S Laberg. Eit aktuelt spørsmål er no korvidt det er Sogn Avis og Laberg sin intensjon å hype opp Automobil for so etter eit halvt ås setta inn ein seriøs kritikarbacklash i beste musikksjournalistiske stil. Heldigvis er det lite som tyder på dette. Nyhende var torsdag ettermidag som einaste partipolitisk uavhengige metanyheitsorgan i kontakt med ein vanlegvis mediesky Laberg for ein kommentar:

-Eg gjer berre jobben min som kulturjournalist i ei lokalavis,(Sogn Avis. Red.anm) og det er alltid kjekt å kunne fortelje lesarane våre (Sogn Avis sine. Red.anm) om kva som rører seg på rockescena.

Uansett kva som skjer, Automobil vil verte å oppleva på den hottaste festivalen i Fresvik; Fres Festival, siste helga i juli 2007. Nyhende gler seg.