17. juli 2007 vil gå inn i Fresviksoga som ein regntung dag. Omfanget av uteaktivitetar vart difor halde på eit heller beskjedent nivå. Dagen vart i hovudsak nytta til å bygge Fres-nettverket, mellom anna med eit møte på Fresvik Produkt (FP) og telefonisk kontakt med PA-entreprenørane i Ivory.

Utpå ettermiddagen kom festivalsjef Håvard, denne gongen i ein standsmessig Volvo, og vi samla oss på eit kaffi- og vaffelmøte med festivalsveisar og kompetent mann Robert Borlaug i nabobygda Feios.

I ni-tida kjem LT til gards, og heile festivalleiinga er endeleg samla. Med seg i bagasjen har han ein forleggjande haug festivalpass.

- Vi er i år ein dynamisk og tett samanvevd organisasjon, seier PC. - Nett som desse banda.

- Dette er gjennomtenkt, samtykker Håvard.

Så set alle seg ned med sine respektive datamaskiner og bloggar av hjartans lyst.

IT sjef pustar letta ut. Det var med stor glede at IT avdelinga ved Fres Festival 2006 kunne innkalla til ekstraordinær pressekonferanse tirsdag ettermiddag. Det var ein tydeleg letta gjeng som var benka bak Farrisflaskene på Hopstock i Vik for å snakka med pressa. Og spesielt letta var nok ein Gunnar Husabø, mangeårig tilsett ved mårmaskina på Gilde Sogndal, og noverande IT sjef for Fres Festival 2006

- Det er naturlegvis svært gledeleg og ei stor letting for meg personleg at krukka mi kom gjennom laboratorieprøvane med negativt resultat. Stor glede var det og at alle dei 62 andre tilsette ved Gilde Sogndal sine prøvar og kom attende like negative. No kan endeleg alle der inne igjen turka sine rass med godt samvit. Men det viktigaste no er naturlegvis at det igjen vert ro ikring heile IT avdeling på Fres Festival og ikkje minst ikring min eigen person slik at det viktige arbeidet med avviklinga av årets festival kan halde fram med uforminska styrke. Tida er atter komen for at det på IT kontoret i Fresvik vert diskutert sak og ikkje person, seier ein oppglødd Husabø i ein faks.

Medarbeidar i Fres Festival testa for E.coli. Nyhenda om at tilsette ved måravdelinga på Gilde i Sogndal skal testast for E.coli kom like overaskande på leiinga i Fres Festival 2006 som på alle andre. Under eit hastemøte mellom leiinga og IT avdelinga er det kome til einigheit om at openheit er the way to go. Sjef og IT avdelinga, Gunnar Husabø som i ei årrekke betjente mårmaskina på Gilde i Sogndal har difor bestemt seg for å avgje prøve til Mattilsynet.

-Det er jo naturlegvis ikkje til å legga skjul på at dette er ein situasjon eg gjerne skulle vore forutan, men eg finn det særs viktig å reinvaska meg sjølv, i alle meiningar av begrepet, og eg vil difor levere inn krukka mi førstkommande mandag, seier Gunnar Husabø i eit openhjartig intervju.

Høgståande medarbeidar i festivalleiinga involvert i skandaleslakteriet i Sogndal. Det var i kjølvatnet av dei siste dagars avsløring av E-coli bakteriar i mårpølsepakkar frå Terina AS slakteriet i Sogndal at det under eit ekstraordinært styremøte i Fres Festival 2006 kom fram at ein medarbeidar som jobbar tett saman med leiinga til all sannsynlegheit har vore, eller i verste fall er, involvert i denne skandalen. Sjefen for IT avdeling på Fres Festival, Gunnar Husabø, betjente frå 1998 til 2003 mårpølsemaskina som no har blitt sett i eit mindre enn flatterande lys.

-Dette er ein særs tung dag for meg personleg, men og for alle andre som er tilknytta Gilde i Sogndal generelt og mårmaskina spesielt. Sjølv om det i denne stund sjølvsagt er naturleg, kanskje til og med ønskeleg, å late tankane gå til dei familiane som er ramma, er det vanskeleg å tenka på noko anna enn mårmaskina som eg i fleire å jobba tett i lag med, seier ein vonbroten Gunnar Husabø.

På spørsmål om kva konsekvensar dette vil få for Fres Festival 2006 svarar Per Christian Grov unnvikande.
-Dette er noko vi lyt ta internt, seier Grov i ein kjapp kommentar på veg til ekstra ekstraordinært hastemøte i generalforsamlinga for Fres Festival.