Posts

Intens aktivitet på Skau!

Rapportar om megalomania tikkar inn frå Itar Tass! Høgteknologi vil verta nytta…

Kaia in Command

Kaia in Command

Dei siste dagane har den relativt vesle garden Skau i beste Fresvik, Vik kommune, vore prega av eit usedvanleg høgt aktivitetsniveau. Det har komme inn vitneobservasjonar som peikar dit hen at store ting er i ferd med å henda. Det hottaste ryktet om dagen er mellom anna at eit visuelt underhaldningsapparatus av til no ukjend karakter og storleik er i ferd med å ta form.
Read more

Fres Festival! Painted by Fargerike i Sogndal!

Jovial målingsbutikk forsyner kredibel festival i lokalmilieuet! Marknadsverdien er enorm, seier han der Kiese fyren!

Fargerike i Sogndal; serious paintin shit!

Fargerike i Sogndal; serious paintin' shit!

Fres Festival har den store gleda å melda at Fargerike i Sogndal, ved butikkskjef og generell goodguy Stian Bakketieg, har sponsa Fres Festival i Fresvik med herleg måling til dei berømte dassane som vert nytta av blide festivalgjengarar! Det dermed er lite eller ingen tvil om at årets dassar med det vert rett so trivelege og ikkje so reint lite uavhengige.

Fres Festival og alle deira affilierte takkar og bukkar og anbefalar Fargerike i Sogndal til alle dei som har ting som treng eit strøk!

Dagane er so korte her i Fresvik

Det rann av dag og av røv, laurdag 21. Juli i det Reidars år 2007, moglegheitene var mange og ansikta fleire. Leiinga hadde mykje og mangt å henga fingrane i, men øpst på programmet stod bygging av scena! Etter å ha blitt hooka opp monsterkubbe style, var håpet no på topp i leiinga. – Her skal det verte ei helsevesenets scene, sa PC, han hadde ting i fjes denne dagen.

Etter mykje vatring, snikring, saging banning et cetra kom da omsider på plass eit rammeverk ulikt noko anna rammeverk nokon gong bevitna av nokon person nokon plass. Etter det vart leiinga einige om å unngå ordet ”nokon”.

Etter ein hard dags jobb sette leiinga seg so ned og tok ein velfortent pilsner type lys. Dei fekk etterkvart besøk av ingeniør og all round good guy Robert Borlaug. Han mønstra på ein veltrent overkropp og ein heil del pils. So gjekk dei ut på byn i Fresvik. Leiinga har planar om å vanhelliga kviledagen vert det sagt…

Menn i arbeid

I dag starta byggearbeidet, då vi i ei kort, men effektiv arbeidsøkt reiv taket frå hovudscena. Det synte seg at det hadde vorte nytta eit raust tal spikrar under fjorårets bygging, men med ein god dose muskelkraft og oppfinnsam bruk av kubeinet, fall konstruksjonen lett.

Vi reiste frå Fresvik i eitt-tida, mot fjerntfunklande Systrond og den sokalla «eplebygda» Sogndal. Med oss tilbake til Fresvik hadde vi ein kilometer sperreteip, trommesett, forsterkarar, PA-anlegget til camp stage, printer, lamineringsmaskin, fem meter monsterkabel (phono – minijack), to arbeidslamper,  ein kasse pilsnerøl, spray, grunning med matchande penselsett, overheadprosjektor, to motoriserte X-twin isoporfly og ein stykk bil av typen Caddy.

 – Sweet! Dette går på skinner, seier ein oppglødd festivalsjef.