Innlegg

Artistlepp: Lindstrøm til Fresvik!

Stor oppstandelse på Skau då festivaladjunkt Eliassen fekk teleksen som bekrefta dj’ens ankomst til Fres14. I dag kan Nyhende gledeleg presentere eit kobbel med nye navn til årets festival. I tillegg kjem nemleg, hald deg fast, dei årets urørtvinnar Sigurd Julius, punkrockarane i The Good The Bad and The Zugly, nrwy og Maylen Rusti.

Lindstrøm

Elektronikaartisten med fire spellemannsprisar kjem i sumar til å stå for godfot på årets Fres. Lindstrøm har det siste året vore aktuell med plata Smalhans og turnert ekstensivt i det store utland. Hiten “Võs-sãkõ-rv” har snurra flittig på NRK P3. -“Eit kupp!” kjem det frå ei entusiastisk leiing som allereie har børsta av støvet frå sine leikarringerfaringar.

Årets Urørt – Sigurd Julius

I år som i fjor har Fres Festival lokka vinnaren av NRK si storsatsing Urørt til gards. I år er innehavaren av den gjeve tittelen Sigurd Julius. Skrur du på radioen skal det godt gjerast om du går glipp av vinnarlåta Østavind, det er blitt ein favoritt på P3 og P1 såvel som P13. “Perfekt for varme sumarkveldar i Fresvik, med skimrande fjord og småkjølig trekk frå Fresvikbreen” hevdar festivalarrangør Håvard Ese Eliassen, som og legg til at dette er ein klassisk “lukte-på-håret-til-kjærasten”-konsert.

The Good The Bad and The Zugly

I tillegg til Lindstrøm og Sigrud Julius kan festivalen stolt skilte med det kritikarroste punkbandet The Good The Bad and The Zugly. Deira Anti World Music sikra høge tal hjå croupierane i Akersgata, og blir av mange samanlikna med tidleg Turboneger. Dersom NRK skulle gi ei skildring ville dei utvilsamt nytta seg av begrepet “rockesjokk”.

Maylen Rusti

Elektropopartist og P3-yndling Maylen Rusti er óg bekrefta til årets Fres. Rusti har med singelen Changing fått ein knallstart på karriera og debutalbumet er rett rundt hjørnet, med fresaktuelle O Martin som produsent.

NRWY

Skjeggerockarane i nrwy vil óg bli å sjå på Skau til sumaren. Dei jobbar for tida med oppfølgaren til debutalbumet Negatives, og gledar seg stort til å returnere til favorittscena si.

Sjekk artistsida for full line-up

Fli deg ein billett no!

Grand Island til Fres Festival! Cowabunga!

,

Dei fyrste artistane til det som ser ut til bli tidenes lineup er klare!

Grand Island

Vener av Fres, Vener av musikk! Ein dykk! Frå og med i dag er ikkje Fres Festival 2010 ein festival utan band! Les mer