Innlegg

Oui Oui Oui! Lemaitre bekrefta til Fres 2017!

Men inn i helsevesenet! Lemaitre tek turen til Fres Festival 2017! Det same gjer Ungdomskulen, Hajk, Junk Machine, Misty Coast, Knekklectric, Teddy Touch og Girson! Sommaren er sikra – Fres Festival 2017 er komplett!

Då har det endeleg klokka seg inn til ferdig booka Fres Festival! Dermed er det berre ein ting å gjere, nemleg smelle fjeset sitt inn på første og beste internett, klinke til med ein billett og so sette seg i hagen og niventa på at siste helga i juli skal komma til deg. På ny skal vi smørje livet tjukt utover, på ny skal vi slå opp telt med det same vi kjem fram, på ny skal vi drikke i oss heile den sublime skylinen som omkransar Skausgarden og sjå Leiknager funkla i det fjerne medan vi dansar oss inn i daggryen ute på den nyslegne bøen. Og ikkje berre det! Jaggu blir det konsertar og greier óg!

Lemaitre

Direkte inn frå livet kjem elektronikaduoen Lemaitre. Dei siste åra har dei gjort seg bemerka som det heimlege svaret på kontiental kvalitetselektronika,  meint for dei aller største klubbane, og dei aller største hendingane. Sia oppstarten i 2010 har Lemaitre gitt ut heile 7 plater, og levert ein stødig strøm av radiohits. 2016 var året det verkeleg starta å dra seg til for Lemaitre, med mellom anna speling på den Fres-aktige festivalen Coachella i Sambandsstatane. Klar for tidenes kubboramralama? Booom – Lemaitre på Fres 2017!

Ungdomskulen

Trioen Ungdomskulen burde vere kjent stoff for alle som likar awesomeness! For her snakkar vi tiårets, kanskje femtenårets! beste liveband. Dette aldri kvilande trinnet på utdannignsstigen slapp for ikkje så lenge sia singelen Touch Down, og dei jobbar no dag og natt med å gjere ferdig sin nye langspelaren sin. 2017 er ikkje berre året Ungdomskulen spelar på Fres, det er óg tiårsjubilem for den sagnomsuste debuten Cry-Baby frå 2007, og ikkje minst åtteårsjubilem for den gong trommis Øyvins Solheim gjekk gjennom scenegolvet på Fres, midt i ein ekstatisk jamblock solo. All grunn til bekymring med andre ord!

Hajk

Du har band som slepper debutalbum, og så har du Hajk. Skilnaden på desse, er at når Hajk først gjer det, så er det til slik ei endelaus jubel frå dagspressa at det nesten går over alle støvleskaft. Med finfine singlar som “Magazine” og “Common sense” ser det altso ut til at Hajk har truffe noko av ei nerve i kritikarkorpser, og det skulle ikkje gå lenge før Hajk fekk moglegehita til å spre sin freidige miks av indie og kommerspop til massane. Bandet hadde nemleg knap fått sett på kaffitraktaren på øivingslokalet før festivaltravarar som Slottsfjell og Øya hadde meldt si interesse. Men du treng ikkje reisa lenger ein ein tur ned på bui, og so litt oppatt bakken for få med deg Hajk i år, dei tek nemleg turen til årets Fres og det vert heilfrekt for å sei det rimeleg mildt!!

Knekklectric

Sjeldan har jübelen stått så høgt i taket på bookingavdelinga som dagen det vart klart at sjølvsate Knekklectric er klare for Fres Festival 2017. Dette stop at nothing progpopbandet frå Ålesund (+ ein sogning) har nemleg gjort seg skuldige i å sleppe to av dei beste platene sidan forrige gong to skikkeleg bra plater vart sleppt! Ingenting å melde (2014) og For mange melodia (2017) er stilstudier i sjølvinnsikt, sosialrealisme frå Nørvevika og ikkje minst heilfrekk låtskriving. Med både Knekklectric og El Doom ATBE på plakadoisen, ser det ut til at årets Fres vert meir progressiv Bernie Sanders etter eit brett med Red Bull! Det er med andre ord berre å halda seg fastlege!

Misty Coast og Junk Machine

Ingen Fres utan rikeleg med kvalitetsband frå Bergen – vestlandshovudstads-hovudstaden! I år har vi gleden av å ha innom Misty Coast, ein duo – som óg er ein trio (!) – beståande av Richard Myklebust og Linn Frøkedal frå Megaphonic Thrift (og ein drøss andre band). Med seg på trommer har dei den den danske romanforfattaren Kim Småge! Det vert herleg svenvande pop når Misty Coast entrar hovudscena på Fres Festival 2017!

Junk Machine tek turen med sin herleg syrete rock! Som ein biltur langt inn i ein film frå 1975, tek Junk Machine deg med gjennom livet og inn i konserthimmelen!

DANCE DANCE DANCE  – Girson og Teddy Touch!

Som vanleg! Som uvanleg! Fres Festival bygger Fresvik om til nordeurpas feitaste klubblokale. I år som tidlegare år – back by popular demand – kjem både Girson og Teddy Touch for å ta kvar sin kveld med episk klubbmusikk. Skatebård er allreie booka, så her er det berre å kvessa danseskoa for 3 kveldar med beast mode!

Snakkast siste helga i juli!

Jess! Der har de det folkens! Fres 2017 er på veg – fli deg billett i dag!

olavblogg

Boooom! Olav Stedje til Fres Festival 2016

Då er det faktisk eit faktum folkens! Sjølvaste Olav Stedje gjestar årets Fres Festival. Det same gjer Electric Eye, Bloody Beach, Dig Deeper, NRWY og Teddy Touch.

Den første – den største

Fres Festival 2016 tek begrepet lokal artist til nye høgder. Det er no bekrefta at den originale popstjerna frå Indre Sogn – Olav Stedje – tek turen til Fresvik og Fres Festival siste helga i juli 2016. Olav stiller med fullt band, og kjem til å servera topphylle-låtar frå sin ekstremt rikhaldige katalog. Konserten vert ein av dei største produksjonane Fres Festival nokon gong har begitt seg utpå, og den vert ei storstilt feiring av karriera  til ein av dei største artistane Vestlandet nokon gong har fostra.

Vi vandrar saman i 35 år

Olav Stedje sitt gjennombrot kom med “Vi vandrar saman” i 1981, og han har fulgt opp med popperle etter popperle sidan. Som landets fremste leverandør av vestkystsoundet, har Stedje klart å fange øyra til generasjonar, og alle har garantert funne si favorittstedjeperle!

Fres Festival lovar ein hitparade utan like i det vår regions Michael McDonald entrar scena i Fresvik. “- Me kjem til å dra på med eit show verdig ein konge, for det er jo det han på sett og vis er”, seier festivaloberst og sjølvproklamert purdieshuffleentusiast Gunnar Husabø, i det han slurpar i seg det siste nye av vitamintilsett kjeldevatn frå inste Nordfjord.

Flytt deg, Kenny Loggins, det er ein ny sheriff i byen, Stedje, Olav Stedje.

Psykedelisk spacerock frå Electric Eye!

Fres Festival kan óg gledeleg meddele at årets bylarmvinnarar Electric Eye, med batterist og borgynd Øyvind Hegg-Lunde, kjem til gards. Med seg har dei det kritikarroste albumet “Different Sun”, som dei allereie har rukke å vise fram på turné både i Sambandsstatane og i Japan.

Dansbar shiiii med Bloody Beach!

Meir psykedelia blir det med bergenskvintetten Bloody Beach, som garantert vil få igong heftig hoftevrikking på Skau. Bloody Beach har turnert i både Spania, Tyskland, Nederland og England, så då høver det seg at Fresvik er neste stogg på turen.

Topp lokal stemning frå NRWY!

Som seg hør og bør leverar Fres Festival óg lokale godbitar. NRWY, som i februar kom med andrealbumet “Not Now”, vitjar scena i Fresvik og lovar å levere som aldri før.

Dig deeper har med seg gitarar!

Dig Deeper frå hovudstaden kryssar óg fjellet til Fresvik, med seg har dei gitarrock som har blitt hylla som “noko utenom det vanlege”, og festivalleiinga stiller med stemningsgaranti!

Dans, dans, dans oppå bøen

Publikum på Fres Festival kan glede seg over at det også i år kjem til å bli rydda plass til dansegolv etter at konsertane er over. Nytt av året er konseptet “Torsdagssvingen”, som i år blir vitja av Bloody Beach. “Me tenkte det kunne vere kjekt å få vrikka på dansefoten til live musikk” seier festivalsjef Lars Tore Skau. Dei to neste kveldane blir fylt med heftig dansemusik fra mellom andre klubblegenda Teddy Touch.

Dermed er følgande arstistar so langt bekrefta til Fres Festival 2016

Fli deg billett i dag!

Billettar får ein kjøpt via billettservice.no, og ifylgje lokale spåmenn skal det også bli særs godt vér i år. Lite da bli fullt?!

 

 

danielkvammen

Fres Festival 2016 – da bli!

Intensjonsavtalar til sides! Endeleg ekte nyhende frå Fresvik i Vik kommune! Honningbarna, Daniel Kvammen, Sweden, Frøkedal og The Good The Bad And The Zugly er klare for Fres Festival 2016! 

Då er det i gang folkens! Den 11. årlege Fres Festival sparkar i gong festivalsesongen i Fresvik torsdag den 28.juli og varar i tre herlege dagar, i det som har blitt kalla sumarens vakraste eventyr i den idylliske perla ved Middagshaugens fot. Ubemerka av den siste tidas rykter om kommunesamanslåing av utanomfylkeleg slag, har leiinga gjort klar eit lite kobbel av artistar til eit såkalla artistslepp.  

Honningbarna

Eit av landets mest hardtslåande band kjem til gards, og med litt av ein historikk bak seg. Etter å ha gitt ut den kritikarbejubla debut-EPen “Honningbarna” i 2010, fulgte bandet opp med å vinne tevlinga Årets Urørt i 2011. Etter det har dei sluppe ikkje mindre enn tre fullengdarar som alle har hausta toppscore i musikkblekker og tabloidar frå Lindesnes til Nordkapp. Under P3Gull rett før nyåret vant bandet prisen for “Årets liveartist”, noko som lovar godt for sumaren.

Svenskar og hallingar

Om du har vore i nær prokisimitet av ein radiomottakar det siste året vil du uungåeleg ha fått med deg den megajoviale hallingen Daniel Kvammen, som med sine eigne ord hevdar at nettopp du fortjenar. Fres Festival tek mannen på ordet og leverar folkekjær halling til folket!

“Me oppmodar alle til å få på crewnecken og synge med” kjem det spontant frå festivalsjef Lars Tore Skau, smilande, med ein heimekarbonert drikk smakstilsatt med mango og papaya i hende.

Jovialitet får du óg med Sweden som returnerar til Fresvik etter triumfen i 2013. Med ein uovertruffen meloditeft har bandet ploga inn som ein favoritt på den “eg-er-nesten-vaksen”-venlege radiostasjonen P13 (DAB og internett). Informerte røyster hevdar at popgruppa kjem med ein fullengdar som fylgjer opp den nynnbare singelen “Just a kid” frå like etter nyåret.

Folksy Frøkedal

For personar med over middels interesse for musikk er Anne Lise Frøkedal eit kjent navn. Som stødig leverandør av kvalitet i årevis med mellom anna Dharma, Harrys Gym (Fres alumni) og I Was A King, vitjar ho Fresvik for andre gong, denne gongen med sitt eiget prosjekt, Frøkedal. Dette er så aktuelt som det kan bli, den nye plata hennar, “Hold On Dreamer”, kom i butikkhyllene 26.februar, og har, ikkje uventa, motteke strålande kritikkar, i DumDum Boys sine ord, over heile linja. “Dette blir storveges!” seier ein croissantsmuleplukkande Skau.

Pønk! Direkte frå Hadeland!

Fres Festival har alltid vore ein stabil leverandør av pønk i frekkaste toppklasse. Slik vert det i år óg – og landets fremsta garantist for denslags no for tida er Hadelandskjekkasane i The Good The Bad And The Zugly. TGTBATZ er fortida blodig aktuelle med den heilfrekke langspelaren Hadeland Hardcore, ei plate som var belønna med nominasjon til den ikkje ukjente Spellemannsprisen i kategorien Rock. I tillegg har dei i det siste svinga seg opp med ein flett ny vokalist: Ivar Nicolaysen, kjent frå Silver, eit anna berømt slagskip som segla det vérharde norske pønkehavet på 2000-talet.

Billetsalet startar kommande mandag!

Dei siste to åra har Fres Festival vore utsolgt, og folk har måtta snudd i grinda og gått slukøyra attende til Vangnses. Billettane til Fres Festival 2016 vert lagt ut førstkommande mandag.
– Ingenting ville vera tristare enn at vi ikkje får møta nettopp deg på årets Fres, difor oppmodar vi deg og alle du kjenner om å vera tidleg ute med å kjøpa billett, seier ein muntermelankolsk Skau på telefon frå Fresvik.

Fres Festival går av vedstabelen i verdas minste festivalbygd, Fresvik, i det som inntil vidare er Vik kommune, 28.-30.juli, 2016. Hittil er fylgjand artistar bekrefta: Honningbarna, Daniel Kvammen, Sweden, The Good The Bad and The Zugly og Frøkedal.

Saddle up! We rida at dawn!