Prisvinnarane strøymer til Fresvik og Skausgarden!

Sissy Wish

Ikkje før hadde sjokkmelgdinga om at spellemannsprisvinnararne i Lukestar tek turen til årets Fres lagt seg, før nok ei bombe slo ned i bookingavdelinga til den konseptuelt frigjorde festivalen Fres Festival. Denne gongen vart det klart at Sissy Wish, som i 2004 vann spellemann(kvinne)sprisen for albumet You May Breathe, og Magnus Moriarty™, vinnar av trendblekka Natt og Dag sin Oslopris for beste album i 2008 (i Oslo då vel), for sitt siste album Perhaps Interior Heart Politeness. Det var difor ikkje utan prakt og pomp at leiinga natt til fredag kalla inn til ordinær pressekonferanse på Essoen på Leikanger.

(les meir…)

Fres Festival i Fresvik, Vik kommune, har i dag den store gleda av å opplysa om at det også i år vil verte band å høyre på garden Skau siste helga i juli. Kva som er og ikkje er siste helga i juli er, kva Fres Festival vedkjem, opp til leiinga og berre leiinga å bestemma, og leiinga har bestemt at siste helga i juli i år tek til fredag 31. juli. Alle som har meiningar om dette bes kontakta næraste stein, bildekk og/eller liknande og lufta tankane sine der.

Når det er sagt er den fysste batchen med band som skal spela på 2009-utgåva av Fres Festival følgjande: Båååv, Tyyl!, Wolfram, Klagemur, The Generous Days, Impedansebande, TYST!, The Making of Gentlemen, Canoon frå Kølabånn, At Any Time og UNGDOMSKULEN!! (les meir…)

My Parents House dukkar opp Fres Festival, Festivalen som er lokalisert i Fresvik, Fresvik er ei bygd i Vik Kommune, Fres Festival finn altso stad i Fresvik! Stemninga må ha stått i taket på bookingkontoret til den uavhengige festivalen Fres Festival i Fresvik, då det natt til torsdag endeleg vart klart at det jovialtrivelege popbandet My Parents House frå Bergen og Balestrand tek turen til Fresvik siste helga i juli år åtte. Nyhende har som følgje av historisk greindramatikk på Vangsnes ikkje makta å komma seg til Fres Festival sitt hovudkontor på Skausgarden for ein kommentar, men ryktet i bransjen tilseier at leiing so vel som bookingavdeling ser på det heile som eit skup av globale dimensjonar. Derimot greidde Nyhende si Avdeling for Etteretning og Kontraspionasje å knipsa det som etter seiande er det siste registrerte bildet av ein person som moglegvis eller moglegvis ikkje kan væra bassisten i My Parents House.

Trykk eple-R for å oppdatera artikkelen

Men siste bookingord var ikkje sagt! Idet folk i bookingmilieuet i landet elles hadde slege seg til ro med at no kunne ikkje bookingavdelinga på den so å sei uavhengige festivalen Fres Festival i den avsidesliggande men akk so naturskjøne bygda Fresvik på vestlandet karra til seg fleire potente rockeband syner det seg at nemnde bookingavdeling har sikra seg ballerockebandet Tyyl frå ås. Tyyl kjem til Skausgarden for å skjemma vekk årets festivalpublikum med frekk rock på sognamaol! Tyyl held til vanleg til rundt ås i Akershus, men kan none the less skryta av å ha med sjølvaste øppstakongen Håvard øyrehagen på vokal noko som i følgje det Nyhende har fått med seg er grunn nok til å ta turen til Fres Festival siste helga i juli. -Detta bandet tilhøyre Hagen, seier kulturjournalist Joachim S Laberg i ein kommentar.

Nyhende greidde tirsdags ettermiddag som einaste uhilda nyheitsorgan å få eit par ord ut av ein pressa PC Grov.

– Haha! Eg får meiroso flinao når eg tenkjer på at Tyyl kjem til Fresvik og Skausgarden for å dra noko som utan tvil kjem til å verta eit heilt sjeft sett med rockelåtar, seier ein oppglødd Per Christian Grov frå festivalleiinga over ei god skei lapssodd.