Program Fres 2010

Programmet er no tilgjengeleg for den nyhendehungrige ålmenta. Som oppvakte lesarar kanskje har registrert, har dei fleste av artistane vorte presenterte tidlegare. Unntaket er wannabe-pønk-bandet Bombeklüchter, som i år — som i fjor og åra før — er første band ut på fredag. Med ikkje reint lite glede og stoltheit presenterer vi det mest heilstøypte programmet i festivalen sin seksårige historie.

The Alexandria Quartet og Koppen tek turen til Fres Festival 2010

Sjokkbølgjene etter nyhenda om at Tim Fancy tek turen til Fresvik i sommar hadde knapt nok sleikt fjøresteinane då nok ei bombe av eit bookingskup slo ned i HQ på Skausgarden.

(les meir…)

Stor åtgaum då Canoon frå Kølabånn spelte for massane på Café Fiasco

Det var til tider eklektisk stemning då Kolbotn sine prodigale søner, Canoon, hadde releasekonsert for den mykje omsnakka fullengdaren Dark side of Canoon, på den trendy og smakfullt innreidde konsertstaden Café Fiasco inni Oslo. Testikulærrockarane i Canoon serverte smakebitar frå den nye plata, i tillegg til gamle klassikarar frå tidlegare utgivingar. Alle som er nokon som helst var til stades denne kvelden. (les meir…)

Årets Fresprogram er klart! Supergrüppa Bombeklüchter opnar årets festival!

Program 2009

Det var natt til i dag tidleg at programmet for årets utgåve av den nytenkande og nybrottsorienterte festivalen Fres Festival i Fresvik, Vik Kommune, vart klart. Med den heilfrekke bookinga av det relativt høgt utdanna pønkebandet Bombeklüchter er årets festivalprogram komplett. Og for eit program! Sjeldan, eventuelt ein eller anna plass mellom sjeldan og aldri, har programmet vore sopass grensesprengande og dynamisk som i år. Vinnarar av prisar av ulik karakter formelg står i kø (mykje ved hjelp av Fres Festival sitt eigenutvikla kølappsystem for artistar ArtQue™. red.anm) for å underhalda det musikkglade Frespublikummet.

Fres Festival tek atterhald om endringar. Sjå programmet i sin heilskap her!!