Spørsmål og svar om Fres Festival.

 

Når går dette heilfrekke arrangementet av stabelen?

Fres Festival 2015 går av stabelen torsdag 23.juli og varar til søndag 26.juli. Rydd kalenderen.

Kvar er dette Fresvik?

Fresvik er lokalisert på sørsida av Sognefjorden, knappe to mil aust av det famøse ferjeleiet Vangsnes.

Korleis kjem eg meg til Fresvik?

Kom deg til Vangsnes og reis knappe to mil vidare innover fjorden. Vi vil anbefale buss, som bl.a. går klokka 16:05 på torsdag og fredag. Sjå nærare forklaring i vår eigne “korleis kome deg til Fresvik”-guide.

Kva kostar inngangsbilletten?

Du kan anten kjøpa festivalpass, som gjev adgang til alle konsertar samt overnatting på campen frå torsdag til søndag, eller dagspass for laurdag. Prisane ser du på billettservice

Kva er aldergrensa?

Fres Festival har 18 års aldersgrense. Er du under 18 år kan du kun komma inn i følgje med ein av forledra dine.

Kva skal eg ta med?

Telt, mat, drikke, topp humør (merk: ikkje topptur-humør)!

Kan eg eta/oppbevara tofu?

Nei.

Kva artistar/band kan eg oppleva?

Lista over band som kjem på Fres Festival finn du her. 

Kva fasilitetar kan Fresvik tilby?

Fresvik kan by på fotballbane, kyrkje, kai, Fresvik Produkt, venterom, butikk samt ein årviss festival, Fres Festival, som er der du kjem til å opphalde deg i staden for alle plassane nemnt tidlegare i denne lange og noko merkeleg konstruerte og smått transenderande setninga her.

Får vi mat?

Ain’t no such thing as a meal that’s free. Detter gjeld og for Fres Festival. Ta med din eigen vel! Det vi derimot kjem til å stilla med er rikeleg med grillar slik at folk kan få anledning til å grilla E-Colien ut av sine respektive Gildeprodukt eller kva anna ein har tenkt å grilla. 

Kvar skal vi sova?

Er du blant dei som finn det heilheitleg å sova på festival, skal dette gå føre seg i telt på campen.

Er det lov å dela telt?

Ja.

Går det ikkje an å kjøpe dagsbillettar til torsdag eller fredag?

Nei. Ikkje til Fres Festival, i alle fall.

Har du spørsmål som ikkje er besvarte her, ta kontakt.