Årets Urørt – Phil T Rich – gjestar årets Fres. Det same gjer Dråpe, Canoon, Meta Forever og ikkje minst husbandet TYYL! Klassisk smørbrødliste!

Phil T Rich

Då er det klart for murfet hiphop på årets Fres! Phil T Rich, den velkledde vinnaren av årets Urørt på NRK P3 tek nemleg turen til Fresvik i sommar! Som ein del av det ekstremt dynamiske BAWS, har Phil T Rich det siste året sigla opp som det aller hottaste kortet på den norske hiphopscena. Med EPen “Kom så tok færdhii!” og den Urørtvinnande singelen “Gal” i lomma vert Phil no det hottaste kortet på ei anna scene, nemleg hovudscena på Skausgarden. Bawesome shiiiiiiiiii!

Dråpe

Med ei blodfersk plate, Canicular Days, i bagasjen set også shoegazarane i Dråp nasen mot Fresvik og Fres Festival til sommaren. Oslo/Kristiansand bandet Dråpe har med sin karakteristiske dramumepop verkeleg komme i siget det siste året. Ikkje berre er dei klare for Fres Festival, dei er også booka til dei mindre, men rett så trivelege, festivalane Roskilde og Øya. Berre å gleda seg folkens!!

Meta Forever

Meta Forever spelar herleg melodisk alternativ noir-pop. Etter å ha budd på hemmeleg adresse ein eller anna plass i Oslo kommune sidan 2006, kom dei i 2012 atter til overflata med både konsertar og dei finfine 7-tommarane Emerald Mind Games part 1 og Emerald Mind Games part 2. Det er difor ein svært eksklusiv konsert du vil få oppleva når Meta Forever entrar hovudscena på Skausgarden siste helga i juli i år. Episk opplegg!

Canoon

Canoon er endeleg attende på Fres! Etter å ha hatt fråvær på Fres dei siste åra, er Canoon – kølabånns ubestridte stonerkongar – endeleg attende for å gje oss nettopp det vi ønskjer oss: dødsfeite låtar om det harde livet i 1998. Dette vert ein sjeldan godbit for nye Fresarar, og for alle oss andre: good times all over again!

TYYL!

Treng inga nærare skilding. Du veit det vert mega!

Sjekk ut artistsida for meir om årets artistar, og ikkje gløym å sikra deg billett!

Faksimile Sognavis.no iskø

Det var ikkje få som sette lønsjkaffien i halsen då Sognavis.no på tirsdag ettermiddag publiserte
dette biletet av ein av dei hemmelegheitsfulle medlemmane av Leiiga for den uavhengige festivalen Fres Festival i Fresvik.

Det er enno ikkje på der reine kven av dei myteommspunne leiingsmedlemanne det er som har blitt festa på minnekort, men ekspertar frå Medietilsynet  og Kripos jobbar no på spreng med å finna ut kven det kan vera. Det er venta at ekspertane vil komma med ei uttale i løpet av kvelden eller natta.

- Heilt uturleg at eg kom so nær innpå ein i Leiinga! seier ein tydeleg oppjaga fotograf frå Sogn Avis. Fotografen vil gjerne vera anonym for å verna om privatlivet sitt – å ha vore so nær Leiinga vil medføra ein kjendisstatus av bieberske proposjonar.

Vil du også oppleva Leiinga på nært hald? Kjøp billett til Fres Festival 2013!

I høve heilagdagen vi har vi grave fram eit knippe klassiske artiklar frå Nyhende si storheitstid midt på 2000-talet. I denne utgåva av “Gull frå arkivet” vil vi ta føre oss den episke reisa Gunnar Husabø gjorde – frå den dramatiske E-coli skandalen på Gilde, via IT-sjef og like til fullboren medlem av Leiinga.

• Del 1: E-Coli på Fres? Der Gunnar vert involvert i Gildeskandalen.
• Del 2: IT-sjev gjev av seg sjølv. Der Gunnar leverar inn krukka si.
• Del 3: IT-sjefen reinvaska. Der krukka til Gunnar kjem attende med eit gledeleg resultat.
• Del 4: T-sjefen pustar letta ut. Der VG beviser at Gunnar ikkje kunne ha jobba ved den E-coli ramma mårkuttemaskina medan han var tilsett i Gilde.
• Del 5: Sensasjonell forfremjing! Der Gunnar endleleg vert ein del av festivalleiinga.

Har du lyst til å møta mannen, myten, revisoren Gunnar? Kjøp billett til Fres Festival 2013!

Vær tidleg ute – spar spenn

Bli den første i gjengen din som sikrar seg billett Fres Festival! Ikkje berre vert du automatisk den kulaste av kompisane, du sparar også pengar! Festivalpasset kostar nemleg 100.- flis mindre dersom du kjøper billetten din før 1. juni. Her er det altså berre å legga ferieplanane om Fresvik siste helga i juli.

Nytt av året – laurdagspass!

Nytt i år er at du no kan få kjøpt deg pass som gjeld berre for laurdagen. Dette er for dei som skulle vera so uheldige å ikkje ha moglegheit til å få med deg dei to første dagane av Fres Festival.

Ingen grunn til å venta altså folkens! Kjøp festivalpass til Fres Festival og bli ein cutting edge dude!