Del bileta dine frå Fres Festival!

Sjekk @ltskau! Han instagrammar bilet med #fres12! Ikkje direkte uhipt da!

Getting with the program? Som alle andre trendy og cutting edge folk, har sjølvsagt også du som festivalgjest installert biletdelingsappen Instagram på din smarttelefon. Dersom du ikkje har kasta deg rundt og gjort det endå, kan du lasta ned Instagram for iPhone her, og Instagram for Android her.

Når du har installert appen på telefonen din, er det berre å knipsa i veg anten på veg til Fres, under sjølve festivalen eller når som helst eigentleg. I captionfeltet brukar du hashtaggen #fres12. Alle som har Instagram kan dermed følje med på bildene dine. Bilda dine vil i tillegg komma fram i Instagramfeeden på høgresida på framsida av fresn.no, eller du  kan gå til sida hashtagram.com og sjå alle bileta i eit fiffig slideshow.

Kva med eit bilde av kompisen din som slit seg opp landets einaste kule motbakkeløp? Moglegheitene er mange så her er det berre å knipsa i veg! #hipster!

Ustoppelege Ungdomskulen utfordrar underlaget!

Blant dei som var tilstades på minnefabrikken Fres Festival i 2009, gløymer vel få eller ingen den ekstremt feite avslutningskonserten på fredagskvelden: Ungdomskulen! Ikkje ein gong det velkonstruerte scengolvet kunne stagge energien som kom frå scena denne kvelden.

[FMP width=”450″ height=”253″]http://www.fresn.no/wordpress/wp-content/uploads/large.m4v[/FMP]

 

Kære Fresgjest! Her kan du gjenoppleva den store augneblinken, også kjent som det store forsvinningsnummeret, då Ungdomskulen-trommis Øyvind Solheim går gjennom scenegolvet under ei legendarisk tolking av klassikaren Surfs up! Takk også til det elleville Frespublikummet som var med på å gjera kvelden til ein av dei mest legendariske i Frestoria.

No har altso du! moglegheita til å oppleva Ungdomskule på nytt; kjøp deg billett til årets Fres Festival! Vi har heldigvis forsterka scenegolvet med nye kevlarmatter med tanke på årets utgåve av Ungdomskulen.

 

Game on!

Vener, Fresvikjer, samtidige og andre!
Det er i stunder som dette det er freistande å snakka om mytiske fuglar. Men slik pompøsitet skal vi ikkje rota oss bort i. Ikkje ved dette høvet, i alle fall. Men som de alle har skjøna til no: Fres Festival er attende! Attende for å bringa telt, brus, grill og musikk til Fresvik nokre solsteikte sommardagar seint i juli. For det er det det handlar om denne sommaren óg folkens! Det er det, det er det det er.

Sjølv om Fres Festival var på ferie i fjor, så er den altoppslukande ideen om Fres framleis den same. Og denne ideen er vi alle deltakande i. Vi skal tilbringa ikkje, to, men TRE (!) dagar til ende med alle våre beste vener, medan vi let oss overausa av heilfrekke band frå fjærn og nær, mest nær. Vi skal tusla rundt på bøen i tryg forvissing om at bølgjeblekket aldri langt unna, og at det einaste seriøse motbakkeløpet i landet finn stad akkurat her. Vi skal bada i fjorden, og bada oss i dei bratte fjella som sublimt omkransar Fresvik og festivalområdet. Til sist skal vi drikka vår skål, og feira, vel vitande om at det går heilt fint å gå på festival  Fresvik. Det står fjellstøtt på si eiga urimelegheit. Stort frekkare vert det ikkje.

Mine damer og herrar: douche down, Fres Festival er på veg.

Eilert skal på Fres
[FMP width=”640″ height=”360″]http://www.fresn.no/wordpress/wp-content/uploads/IMG_0890.mov[/FMP]