Cezinando, Great News, Thea and the Wild og Sibiir til Fres 2018!

, ,

Frå hipt til hardt! Det første artistsleppet har landa! Til Fres Festival 2018 kjem nemleg ingen leikaringare enn Cezinando, Great News, Thea and the Wild og Sibiir!

Då er det berre å ta på seg glede-seg dressen folkens! Fres Festival 2018 er på sporet til å bli: heilfrekk. Ta óg på deg drassa-med-seg-masse-folk dressen og trask ned til næraste billettutsal: du finn det på internet (som er framtida kva gjeld billettsal har vi blitt fortalt).

Cez til Frez!

Cezianado er framtida i norsk hiphop! At han er framtida, fekk han ytterlegare bevist forrige helg då han stakk av med nok ein pris til si allerie smekk fulle peishylle – P3 Gull for årest låt: “Håper du har plass”. På peishylla står det allereie ein spellemann og ein årets urørt! Digg!

Great News

Allright! Vi får aldri nok av rocketrioar! Og når det gjeld slike, skal ein leita reeeelativt langt etter noko som er feitare enn Great News! Great News pumpar ut episke anthems utan å sjå seg attende, og i februar kjem dei med sitt bebuda debutalbum “Wonderfault”. Grunnar til å gleda seg til 2018 mao!

Thea and the Wild

Yesh! Soloprosjektet til Thea Glenton Raknes! Vi snakkar her pop av ypparste kvalité! Debutplata kom i 2014, og oppfølgjar er like om nyttårshjørnet! Pass opp for ekstremt bra konsert!

Sibiir

Jess – då er rocken sikra med parodisk god margin! Faren for du vil få problem med å spa opp eit band som sler spessielt hardare enn Sibiir om dagen, er overhengande for å seia det mildt. Vi oppmodar publikum om å ta godt vare på eigen milt, og bu seg på ein konsert av den hardttrøkkande typen. Boom!

Der er det folkens! Dei første artistane er klare – sjekk dei nærare ut på artistsida! Snakkast siste helgi i juli då!

 

Fres takkar vyrdsamt

,

Fres 2017 er over. Det overgjekk alle våre forventningar, og vi takkar på det aller, aller inderlegaste:

  • Jon og Elisabeth som stiller med gard og grunn, for ikkje å snakke om hundrevis av timar med arbeidsinnsats for festivalen
  • Stig og Kelly for non-stop kokkelering til artistar og friviljuge
  • Besteforeldre generelt sett for å vere så strålande hjelpsame og tolmodige som dei er
  • Kaia, Mari, Helene, Trude og Maren som gidd halde ut med oss år etter år, og på toppen av det gjer ein vel så bra jobb med gjennomføringa som oss sjølve
  • Ole Håkon og Jostein for nok ei utviding av scena
  • Pål og Rikke som styrer scene og artistar med (kjærleg) jernhand
  • Håkon, Jenny og Øyvind for å gjere lyd og lys extraordinare
  • Syver for bartending, slapstickhumor, rigging mm
  • Grill-Kristian for Antibac, rigging, bildetaking og, sjølvsagt, utrøytteleg grilling
  • Bjørn for å alltid vere klar til innsats
  • Daniel Fredheim for køyring av lyd- og lysanlegget frå Bergen, og ovannemnde Ole Håkon for å køyre det attende.
  • Bjørg og hennar frivillige for å stå tidleg opp og smøre baguettar til innkomande artistar
  • Geir og Petter for levering av festivalnoregs trivelgaste bar-oppleving
  • Braut og Kari for å tende artistbaren på ypparleg vis
  • Kristin, Endre og Kjartan for å skape nye publikumsrekordar på Radio Fres
  • Sadan for fantastiske bilde!
  • Nann Ingunn og Fresvik Taxi for all køyring
  • Frøys Hus for all artistovernatting
  • Hans Ivar for all mogleg hjelp av alle moglege slag, samt Eirik for å traktera gravemaskina hass
  • Eldri som har sagt seg villeg til å telje pant for n’te året på rad
  • Julie for å setje opp pisserenne nummer to
  • Mari H for merch-assistanse
  • Geir Ove for å vere ein drivande dyktig røyrleggjar og generell good-guy
  • Astri og Anne Sigrid for ordning av madrasser i bøttevis til ungdomshuset
  • Alle dei andre frivillige som brukte av dagar og kveldar for å stille opp for arrangementet.
  • Joar og Balder for flytande næringsmiddel
  • Øyvind Tørvi og Digital Etikett for frekke flaskeetikettar
  • Roger og dei andre på NTP i Gaupne for å gi oss verdas beste trykk og låne oss trykkemaskin gratis!
  • Stian på Fargerike i Sogndal for måling
  • Våre sponsorar Linn bad, Sognekraft, Fresvik produkt, Accountor og Blix Overnatting
  • Dei vi har motteke stønad frå: Vik kommune, Kulturrådet, Sparebankstiftinga og Vik Sparebank 
  • IL Modig og Ungdomslaget
  • Lerum for saft og syltetøy
  • Dei som stiller frivillig opp for å rigge og rydde før og etter festivalen.
  • Alle artistane som til saman utgjorde tidenes beste Fres-program
  • og ikkje minst: publikum! Dess lenger framme du stod under konsertane, dess meir takk!

Og sjølvsagt: takk til alle vi av ein eller anna grunn har gløymt å takke!

आभारी हुँ

Per Christian – Håvard – Lars Tore – Gunnar

Fres testar liggeunderlag

,

Fres Festival 2016 nærmar seg med såkalla stormskritt, og det er på tide å tenkje på kva ein skal pakke med seg. Sjølvsagt er det mogleg å kome relativt langt på MacGyver-triks, men på den andre sida skal ein ikkje undervurdere det å ta ein tur på bui og rekvirere noko spesialdesigna utstyr.

Ein av dei mest essensielle delane av campingutstyret ditt, i tillegg til telt, sovepose, varme klede, pengar og godt humør, er liggeunderlaget. Det å ha med seg eit brukandes liggeunderlag vert av kjennarar rekna for å vere eit conditio sine qua non for å sikre ei god natts søvn. Og innanfor det breie feltet av ulike liggeunderlagsteknologiar tronar luftmadrasser over dei gamle polytenskumrullane og til og med dei magisk sjølvoppblåsbare versjonane.

Bestway luftmadrass – komfortabelt og billig

Så med det føremålet gjennomførte festivalarrangørane ein fire-netters stresstest av to ulike luftmadrasser, for å gi deg som festivalforbrukar det beste grunnlaget for å velje utstyr. Les mer

Kva ville MacGyver gjort på Fres Festival?

,

Vi i Fres festival er alltid ute etter å leggje til rette for ei optimal festivaloppleving for deg og dine. I utgangspunktet vil du greie deg fint om du kjøper billett, tek med deg litt pengar, klede og eit telt og oppfører deg bra. Men for deg som har lyst til å ta steget opp til eliteserien i festival har vi samla eit knippe MacGyvertriks.

 

Så kva ville MacGyver gjort på Fres? Først av alt ville han nok ha gått på konsertane, for han er ein awesome fyr og hadde sikkert sett pris på det storarta programmet. I tillegg ville han gjort følgjande:

 

Beskytt elektronikken med kondomar

Festivallivet inneber nødvendigvis å vere i kontakt med naturen. Og i naturen finst det væske i form av til dømes regndropar, fjorden eller brus som du søler over sakene dine. Då kan du gi dine gadgets ein profylaktisk kokong ved hjelp av eit par kondomar. Kjøp gjerne nokre ekstra, for kondomar kan som kjent vere nyttige til andre ting. Sex for eksempel.

Denne kan vere nyttig på festival

Denne kan vere nyttig på festival

 

Tørke mobilen i ein bolle med ukokt ris

Men det er ikkje alltid like hensiktsmessig å gøyme sakene vekk i preventivar, til dømes er det vanskeleg å snakke i telefon gjennom to lag med latex. Då er vi tilbake i den risikable, væskefylte naturen — kanskje telefonen din får seg ein uvelkomen dukkert når du er nede på kaien for eit herleg forfriskande fjordbad? Ikkje fortvil, du kan alltids stikke innom bui og kjøpe med deg noko ris. Legg mobilen i ris over natta, og lat den tørke opp medan du lever festivallivet.

Lege myggstikk med tannpasta

Når ein er utandørs, til dømes på ein festival, hender det ein får myggstikk. Det kan vere irriterande. Kva skal ein gjere? Jau – smør tannpasta (også kjent som tannkrem) på stikket. Når vi først er inne på temaet innsekt kan det også vere greitt å vite at om du skulle vere uheldig og få besøk av maur i teltet, kan du i følgje Internett fjerne dei med kaffi

Bruke sigarettpakke for å fikse blitzen på kameraet ditt

Du veit korleis folk ser ut som zombiar når du tar bilde av dei på nattestid? Ikkje berre fordi dei har drukke for mykje brus, men fordi blitzen gjer alle likbleike. Vel, dette kan fiksast på om du tar ein sigarettpakke og kler inn blitzen din med denne.

 — 

Så for å konkludere: ved bruk av enkelt tilgjengelege daglegvarer kan også du vere ein MacGyver på Fres Festival. Har du andre pro-tips til korleis ein skal greie seg på festivalar – del dei gjerne med oss!