Årets Fresprogram er klart! Supergrüppa Bombeklüchter opnar årets festival!

Program 2009

Det var natt til i dag tidleg at programmet for årets utgåve av den nytenkande og nybrottsorienterte festivalen Fres Festival i Fresvik, Vik Kommune, vart klart. Med den heilfrekke bookinga av det relativt høgt utdanna pønkebandet Bombeklüchter er årets festivalprogram komplett. Og for eit program! Sjeldan, eventuelt ein eller anna plass mellom sjeldan og aldri, har programmet vore sopass grensesprengande og dynamisk som i år. Vinnarar av prisar av ulik karakter formelg står i kø (mykje ved hjelp av Fres Festival sitt eigenutvikla kølappsystem for artistar ArtQue™. red.anm) for å underhalda det musikkglade Frespublikummet.

Fres Festival tek atterhald om endringar. Sjå programmet i sin heilskap her!!

Prisvinnarane strøymer til Fresvik og Skausgarden!

Sissy Wish

Ikkje før hadde sjokkmelgdinga om at spellemannsprisvinnararne i Lukestar tek turen til årets Fres lagt seg, før nok ei bombe slo ned i bookingavdelinga til den konseptuelt frigjorde festivalen Fres Festival. Denne gongen vart det klart at Sissy Wish, som i 2004 vann spellemann(kvinne)sprisen for albumet You May Breathe, og Magnus Moriarty™, vinnar av trendblekka Natt og Dag sin Oslopris for beste album i 2008 (i Oslo då vel), for sitt siste album Perhaps Interior Heart Politeness. Det var difor ikkje utan prakt og pomp at leiinga natt til fredag kalla inn til ordinær pressekonferanse på Essoen på Leikanger.

(les meir…)

Spelemannsprisvinnande act vitjar Fresvik i samband med avvikling av jovial festival!

Ein Äpfel vielleicht?

Det var med ikkje so reint lite glede og liknande at bookingkommisjonen på den alltid utanfor-boksen-tenkande festivalen Fres Festival natt til tirsdag kunne gjera vitterleg at frekkasbandet Lukestar tek turen til årets Fres! Lukestar består av fire kjekke menn frå høvesvis Kjelsås, Grefsen og Nordnoreg. Dei stakk i vinter av med spelmannsprisen i kategorien rock, og vi kan dermed konkludera med at det er rock dei spelar. Dei sleppte i fjor sin andre fullengdar, Lake Toba, som vart premiert med nemnte spelemannspris samt mykje speletid på rikskringkastinga sitt program 3 (p3). Lukestar tek turen direkte frå Kirkenes, der dei etter seiande skal fiska laks og spela på ein ungdomklubb.
(les meir…)

Fres Festival i Fresvik, Vik kommune, har i dag den store gleda av å opplysa om at det også i år vil verte band å høyre på garden Skau siste helga i juli. Kva som er og ikkje er siste helga i juli er, kva Fres Festival vedkjem, opp til leiinga og berre leiinga å bestemma, og leiinga har bestemt at siste helga i juli i år tek til fredag 31. juli. Alle som har meiningar om dette bes kontakta næraste stein, bildekk og/eller liknande og lufta tankane sine der.

Når det er sagt er den fysste batchen med band som skal spela på 2009-utgåva av Fres Festival følgjande: Båååv, Tyyl!, Wolfram, Klagemur, The Generous Days, Impedansebande, TYST!, The Making of Gentlemen, Canoon frå Kølabånn, At Any Time og UNGDOMSKULEN!! (les meir…)