Kategoriarkiv: Artistar 2008

This just in! Første utanlandske band bekrefta til Fres Festival

Lagt inn den av

Svenskane i The Big Almost(S) tek turen til Fresvik!! Det var natt til tysdag at det vart kjent at det The Big Almost (S) frå Gøteborg tek turen like frå utlandet for å dra frekke låtar på Fres Festival, Fresvik sin eigen internasjonale musikkfestival. The Big Almost stiller med herleg herleg indie-impro-pop som dei framfører i trioformat med ingen ringare enn vitale øyvind Hegg-Lunde bak det vi må anta vert eit betvåga trommesett.

Booking avd. Utland ved Fres Festival var i dag tidleg ikkje tilgjengeleg for kommentar, men etter det Nyhende avd. Gravande Journalistikk har avdekka, er det jubel so langt øyre kan høyre der i gården. Impro-indie-pop er jo som kjent ein sjanger som er på veg opp. Musikkredaksjonen i Nyhende meinar dette kan koma til å verte ekstremt vitalt.

The Big Almost (S) vert å høyra å sjå ein gong mellom 25. og 26. Juli i Fresvik, Vik Kommune.

Nytt band bekrefta!

Lagt inn den av

Emancer klare for årets Fres! Medan nokre festivalar er opptekne med å avlysa, er andre opptekne med å sørga for å booke metal-band frå Luster. Fres Festival er i sistnemnde kategori. Natt til måndag vart det nemelg klart at Mithrin tek med seg resten av Emancer til Fresvik for å spela låtar frå den nyss slepte plata Twilight and Randomness.

Orkesteret Emancer

Orkesteret Emancer

Det var ei jovial bookingavdeling som tidleg måndag morgon møtte ei mannsterk metallpresse på Elm Street for å svara på spørsmål om denne kredbookinga.

– Vil vi altso få høve til å oppleva Emancer med fullt band?

– Eit kinkig spørsmål, Kent, men eit godt og ikkje minst rettferdig spørsmål. Vi har vore i tett kontakt med Mithrin og dei andre Emancer karane dei siste vekene for å få på plass detaljane for denne bookinga, og vi har fått garantiar i bøtter og spann på at det vert eit Emancer med kjøttrommis og det heile. Det vert altso ikkje Emancer06. På ei anna side vert det nok ikkje heilt fritt for klede med glitrande paljettar på, sa ein farrisslurpande Gunnar Husabø frå bookingavdelinga på Fres Festival.

Sjekk ut Emancer på Myspace.

This just in! Interplanetarisk band til Fres!

Lagt inn den av

Live at the Moon landar på Skausgarden til sommaren! One small step for Fres, on gigant leap for Freskind! Natt til tirsdag vart det klart at bandet Live at the Moon tek turen til Skausgarden for å skjemma vekk fresvikjer og andre med herleg frekk rock av klassisk karakter. Dette borgar for endå ei stor musikkoppleving i Fresvik siste helga i juli. Det var med dette in mente at leiinga, hvis agilitet neppe eller ikkje kan påpeikast nok gonger, tok med seg booking avdelinga og kalla inn til ei ekstraordinær pressekonferans på lunsjrommet til geografisk institutt ved UiO.

-Kan bookinga av dette bandet tolkast dit hen at de har slutta å administrera den berømte geografitesten dykkar?

Eit utfordrande, men likeframt velformulert og berettiga spørsmå, Kent, likeframt berttiga. I kraft av å væra ei kompakt og agil administrativ einig, har vi kome fram til at stadig lyt tilpassa seg, for ikkje å verta hengade etter i eit stadig meir dynamisk og macciatotrekt samfunn. Det er på grunnlag av dette at vi no set musikalsk kvalitet framfor kunnskap om geografi og slang for kontinent i den sydlege hemisfære. Det er difor med ekstrem glede vi kan presentera Live at the Moon, eit band som tykkjer det er festlegare å spela i band, enn å sitta, lik Drillo sat, og gni sine fjes i ulike kartbøker og leksika, sa ein fagkritisk Gunnar Husabø på spørsmål frå den gargantuanske presseoppbodet.

Sjekk ut Live at the Moon her.

“Nytt” band bekrefta!

Lagt inn den av

Schteinhard konsoliderar sin posisjon på Fres!

Breilid på mopedtur

Breilid på mopedtur

Det var i pinsehelga det vart klart at Schteinhard, og kjent som udyret frå skogen, nok ein gang kjem til å vitja Fres Festival! Faren for at det vert moglegheit til å få eit glimt at B. Breilid i full IL Modig uniform vert dermed moderat til overhengande.

Det var difor ei munter festivalleiinga og bookingavdeling som mandag ettermiddag møtte eit mannsterkt presseoppbod på Kunstnernes Hus i Oslofjørao.

- Representerar dette brot eller kontinuitet i eit Freshistorisk prespektiv?

Eit kinkig spørsmål, Kent, men likevel eit godt og ikkje minst rettferdig spørsmål. Det er heva over tvil at samfunnet slik vi kjenner det i dag, ikkje hadde fungert optimalt hadde det ikkje vore for at pressa generelt, og musikkpressa spesielt, syter for at sentrale aktørar vert tvinga til å etterstreva koherens i sine handlingar og ytringar. Det er difor ekstra gledeleg for oss i Fres Festival at vi kan presentera eit band som Schteinhard for festivalpublikummet, ytra ein ulasteleg antrekt Gunnar Husabø frå høvesvis festivalleiinga og eit ikkje namngitt revisorfirma.

Foto Ole Ramshus Sælthun. Il Commandante de Schteinhardium Breilid i midten. På FZ.