Nok eit band må kansellera på Fres. Ikkje lenge etter den tunge beskjeden om at The Big Almost og Rubini måtte kansellera sine konsertar på årets Fres, vart det klart at My Parents House også må avlysa årets show. Dette på grunn av sjukdom.

– Leit at ikkje MPH kunne komma, men vi har full forståing for at når alt kjem til alt, ja, so må nesten helse komma først, sa ein fatta Gunnar Husabø på ei ekstraordinær om enn noget Farrisfattig pressekonferanse mandag kveld.

Utan blautkake, men med ein stor dose høgtidelegheit, presenterte Fresn-leiinga i dag programmet for årets festival. Dei fleste artistane er allereie presentert på nettsidene, men no kan ivrige festivalgjengarar altså notere inn på PDA-ane sine (med reminders, må vite) når dei må infinne seg på Skau, midt staur i Fresvik, for å sjå artistar som bl.a. Canoon, The Barrels, Tyyl! og Monica Eide. Diverre måtte leiinga samstundes melde om at to band har avlyst turen til Fresvik. Dette er The Big Almost og Rubini.
- Synd for dei, men då får vi litt meir tid til å grille, seier ein oppglødd festivalgjest.

.

Også i år vil Ponas stilla på Fres Festival med herleg frekk elektronika!

Det var stor stemning i Fres HQ natt til tirsdag då det endeleg vart klart at fjorårets store elektronikaoverrasking, Ponas, tek turen til Skausgarden siste helga i Juli 2008. Bookingavdelinga melder at dei har spretta sjampis og sprettballar i ein heil dag til endes no, og at sprettinga antakeleg vil tilta utover kvelden.

Nyhende kjem attende med Geir.

Sjekk ut Ponas på Myspace

Tyyl! attende på Fres Festival i Fresvik! Den kritiske kulturblekka Sogn Avis kunne onsdag komma med den banebrytande nyhenda at bandet Tyyl! kjem til årets Fres Festival!

Faksimile frå SA

Sidan Sogn Avis held eit sopass høgt nivå, både kva analyse og rettskriving vedkjem, saksar Nyhende saka på sitt sedvanlege frekke vis:

Tyyleskap på veg
Fardal: Sognebandet Tyyl! Kjem snart med ein tre spors EP. Vokalist og øvstedøl, Håvard øyrehagen, fortel at gruppa har brukt eit femsifra tal norske kroner på å spela inn det som skal bana veg i den norske musikkjungelen. — Frå før har me stål i armane, ein god porsjon innsatsvilje og eit aldri so lite glimt i augo, så når denne EPen kjem ut er me klare for verdensherredøme og alt som følgjer med, Seier øyrehagen. Plata kjem truleg ein gong i juli, og sleppfesten blir etter planen på Fresn 08.

Moldvarp i Leiinga?
Det har i kjølvatnet av denne Sogn Avis notisen vorte spekulert i om det er ein moldvarp i bookingavdelinga eller kanskje til og med i sjølvaste leiinga, sidan denne nyhenda kom i Sogn Avis før den kom i Nyhende. Den til ei kvar tid agile leiinga kalla dermed onsdag ettermiddag djervt inn til ei ekstraordinær pressekonferanse på Litteraturhuset for å sløkkja eventuelle brannar.

- Vi skjønar at folk kanskje kan lura når slik skjer, men i dette einskilde tilfellet var leiinga so vel som Nyhende redaksjonen opptekne med å delta på eit grunnleggande kurs i korleis stava det som eigentleg er heilt normale norske etternamn. Feitt at Tyyl! kjem for å spela på Fres Festival 08 forresten, legg ein jovial Per Christian Grov til.

Tyyl! vert å oppleva på ei scene nær Skausgarden ein gang i slutten av Juli.