Kategoriarkiv: Artistar 2007

Thaake bekrefta til Fres!

Lagt inn den av

Bookingansvarlege i landet over ser seg om etter nye jobbar! Kun timar etter at sjokknyhenda om at rockarane i Tyyl tek turen til Fres slo ei nyhende med tilsvarande sprengkraft ned i innboksane til musikkinteresserte og andre. Torkjell Solbraa og bandet Thaake tek nemleg turen til Fres Festival 2007! Thaake består forutan Solbraa sjølv av indresogningar av det staute jordnære slaget som vi alle kjenner frå rundtom nåvi. Dei kan mellom andre skilta med supertalent, dog nyleg slaktoffer i kultublekka Sogn Avis, øvind Hegg-Lukte på trommer. Nyhende er ikkje kjende for å komma med overilte spådommar, men det syner seg at gjeldande konsenus i kulturredaksjonen er at dette vert ein meir enn minneverdig konsert.

Meir om Thaake på aristsidene.

Nytt band bekrefta!! Tyyl tek turen til Fres!

Lagt inn den av

Men siste bookingord var ikkje sagt! Idet folk i bookingmilieuet i landet elles hadde slege seg til ro med at no kunne ikkje bookingavdelinga på den so å sei uavhengige festivalen Fres Festival i den avsidesliggande men akk so naturskjøne bygda Fresvik på vestlandet karra til seg fleire potente rockeband syner det seg at nemnde bookingavdeling har sikra seg ballerockebandet Tyyl frå ås. Tyyl kjem til Skausgarden for å skjemma vekk årets festivalpublikum med frekk rock på sognamaol! Tyyl held til vanleg til rundt ås i Akershus, men kan none the less skryta av å ha med sjølvaste øppstakongen Håvard øyrehagen på vokal noko som i følgje det Nyhende har fått med seg er grunn nok til å ta turen til Fres Festival siste helga i juli. -Detta bandet tilhøyre Hagen, seier kulturjournalist Joachim S Laberg i ein kommentar.

Nyhende greidde tirsdags ettermiddag som einaste uhilda nyheitsorgan å få eit par ord ut av ein pressa PC Grov.

– Haha! Eg får meiroso flinao når eg tenkjer på at Tyyl kjem til Fresvik og Skausgarden for å dra noko som utan tvil kjem til å verta eit heilt sjeft sett med rockelåtar, seier ein oppglødd Per Christian Grov frå festivalleiinga over ei god skei lapssodd.

Tryllekunstnar vitjar årets Fres!

Lagt inn den av

Så de trudde Fres Festival ikkje kunne verte meir magisk, hæ? seier ein sistflinande Lars Tore Skau frå festivalleiinga.Hartvixo Seint tirsdag kveld vart det omsider klart at den ikkje so ekstremt kjende magikaren El Hartvixo Muertes tek turen til Skausgarden og Fres Festival for å underhalde og ikkje minst trollbinde festivalpublikummet. Etter planen kjem El Hartvixo, illusjonisten frå Luster til å setje på eit pompøst show i samband med RadioFres på laurdagen i festivalhelga. I den anleninga tok Nyhende tirsdag kveld ein liten prat med RadioFres genera Magnar Louie Kvalvik for å få hass kommentar til det magiske møtet på Fres Festival 2007

– Fyrst vil eg berre få seia deg det, kjære "journalist", at eg e utrule glad, og ikkje so reint lite stolt, over at RadioFres no fungerar, ja exhalterar, på endå eit niveau. Alle påstandar om at RadioFres manglar magi kan feiast under kva enn teppe ein måtte befinna seg på. Kommannora Jåtøøøøøøn!, seier ein oppglødd Kvalvik på gmailchat frå Tangen.

Lokal avis hypar Fres-aktuelt band!

Lagt inn den av

NME-tilstandar i Sogn Avis? Den lokale og kultuorienterte avisa Sogn Avis hadde i si torsdagsutgåva ein frekk tosiders artikkel om det Fres-aktuelle bandet Automobil frå øppste Jøsten. Mange spør seg no om Automobil kjem til å mista fotfestet fullstendig og gje seg hen til arenagigs, kokain og feite sponsoravtalar med SonyEricsson etter at Sogn Avis no har peika dei ut som “Eit nytt og lovande Sognaband”.

Den kontroversielle artikkelen i torsdagens Sogn Avis er skrive av den gravande kulturjournalisten og bloggaren Joachim S Laberg. Eit aktuelt spørsmål er no korvidt det er Sogn Avis og Laberg sin intensjon å hype opp Automobil for so etter eit halvt ås setta inn ein seriøs kritikarbacklash i beste musikksjournalistiske stil. Heldigvis er det lite som tyder på dette. Nyhende var torsdag ettermidag som einaste partipolitisk uavhengige metanyheitsorgan i kontakt med ein vanlegvis mediesky Laberg for ein kommentar:

-Eg gjer berre jobben min som kulturjournalist i ei lokalavis,(Sogn Avis. Red.anm) og det er alltid kjekt å kunne fortelje lesarane våre (Sogn Avis sine. Red.anm) om kva som rører seg på rockescena.

Uansett kva som skjer, Automobil vil verte å oppleva på den hottaste festivalen i Fresvik; Fres Festival, siste helga i juli 2007. Nyhende gler seg.