Månadsarki: juni 2007

Tim Fancy bekrefta til Fres!

Lagt inn den av

Sjampanjekorkane sprett i booking allé?! Etterdønningane etter sjokkmeldinga om at den høgpotente bookingavdelinga på Fres Festival i Fresvik, Sogn Indre, har booka ein akkustisk versjon av Roadkill hadde knapt lagt seg før nyhenda om at postgrungarane i Tim Fancy tek turen til årets festival. Om Nyhenderedaksjonen ikkje tek feil, og det gjer den jo svært svært sjeldan, vert det nok nok ei bloddryppande hardtgroovande oppleving for hordane som utan tvil kjem til å ta turen til Fres Festival 2007 for å få med seg denne sjeldne godbiten.

Nyhende lukkast natt til tirsdag som einaste partipolitisk uavhengige nyheitsorgan for Fres Festival og komma i kontakt med den mediesky øyvind Francoise Vormeland Salte, gitarist og main cheese i Tim Fancy for ein kjapp kommentar paa riksmaal:

-Etter måneder i studio, kun avbrudt av diverse innleggelser på rehab, er vi klare for å pakke terapeuten/gruppe-coachen vår i bagasjerommet og møte folket. Vi føler Skausgarden er vår hjemmearena, og vil nok en gang levere varene. Varene vi leverer er solid rock and roll, med beats, riff og melodier. Vår leveringsmetode er trommer, bass gitar og vokal. Vi erTim Fancy – hardrockbandet som smiler, seier ein henslengt Vormeland Salte over ein gin-fizz på Yatzy i Kvadraturen der han for tida held eit møte av moderat til lav viktigheitsgrad.

Dette vert nok muder on the stage floor ja.

Nyhende kjem attende med eir.

Frekk manøver frå festival i personalkrise?

Lagt inn den av

Fres Festival kastar seg på dugnadsbølgja! Næringslivet i distriktet imponert. Igjen.

Vekt på menneskeleg kapital.
Då det natt til mandag kom for natta at den infamøse og enn so lenge uavhengige festivalen Fres Festival i Fresvik søker publikum om hjelp til å avvikla ulike enkle ikkjeadministrative oppgåver på årets festival. Oppgåvene ser etter det Nyhende har fått med seg ut til å væra human resource relaterte og innebæra managing av mellom anna parkering, grillar og generelt oversyn. Det kan med andre ord verka som ein utmerka moglegheit for dei som likar å jobba med menneskelege relasjonar.

Panikk i leiinga?

Det var ikkje lenge at dette heilfrekke frieriet til publikum sitt eventuelle ønskje om å ta i eit dugnadstak på den mest nytenkande festivalen i Fresvik hadde lege ute på det potente cyberfenomenet www.fresn.com før reaksjonane dukka opp på nettforum og over doble macciatos over deg ganske land. Mange var raskt ute med å påpeike at dette er eit symptom på leiinga si tiltakande angst for at dei har teke seg personalpolitisk vatn over hovudet. Er dette eit teikn på sjukdom i Fresorganisma sitt mest vitale organ? Eller er det heller slik at det er endå eit i den etterkvart ekstremt lange rekka av døme på leiinga si agilitet og handlekraft? Desse var blant spørsmåla ein pressa Gunnar Husabø frå festivalleiinga måtte besvara på ei ekstraordinær pressekonferanse mandag morgon.

Korleis trur du at festivalen kjem til å framstå i og med dette “stuntet”?

- Vi skjønar at dette kan verke provoserande for inni-boksen tenkarar, men vi føler oss rimeleg trygge på at vi med dette trekket framstår som seriøse, dog ikkje desperate. Gluggglugg.

Har du nokon kommentar til spekulasjonane som går angåande grunnen til dette freidige frieriet?

- Eg vil ikkje leggja skjul på at personalsituasjonen har vore ei større utfordring i år enn dei tidlegare åra. Dette har eine og åleine med den generelle eskalieringa av festivalen å gjere. Slurp gurgle.

Er det nokon grunn til å engsta seg for om avviklinga av festivalen kjem til å gå noko anna enn smertefritt?

-Vi er overtydde om at årets festival vil gå av stabelen med den same gløden og intensiteten som tidlegare. På same måte som Vangsnesferja stødig klappar til kai på Hella kvar morgon klokka 0545 skal også denne festivalen losast trygt i hamn, bore på skuldrene til alle dei som legg i si fritid og sjel i å gjere dette til den ultimate festivalopplevinga Fresvik nokon gong har kunna by på, avsluttar ein reflektert Husabø idet han smeller den siste Perri?ren i bordet og konstanterar at også den funkar med ein frisk touch av selbekktup?.

Nyhede kjem attende med Geir

Feilinformasjon frå Sogn Avis!

Lagt inn den av

Journalistisk skandale frå lokal kulturblekke.

SA-journalist lovar bot og betring. Det var ikkje so reint få i leiinga av den kredible og bortimot uavhengige festivalen Fres Festival som sette morgonjuicen i halsen idet dei bladde opp i kulturdelen av lokalavisa Sogn Avis, tysdagsutgåva, og kunne lesa at deira eigen festival skulle gå av stabelen siste helga i JUNI(!) Som den merksame lesar har fått med seg går Fres Festival 2007 av stabelen siste helga i JULI , ikkje juni slik det feilaktig vart hevda i Sogn Avis. Dagen var ikkje før vorten kjønnsmoden før telefonlinjene inn til Fres HQ i Fresvik var overbelasta av forvirra festivaldeltakarar. Nyhende greidde som einaste partipolitisk uavhengige nyheitsorgan å få ein kommentar frå ein tydeleg overarbeidd men fatta Lars Tore Skau frå festivalleiinga.
- Denne dagen starta ikkje helt som eg hadde trudd nei. I fem timar no har eg sløkt brannar i det ganske land. Folk utrykkjer forvirring og tendensar til panikk når dei ringer inn og lurer på når festivalen eigentleg er. Vi må berre freista å roa dei ned som best vi kan. Vi har og oppretta eit kriseteam med sjukepleiarar og psykologar som dei verst ramma festivaldeltakarane kan henvenda seg til. Heldigvis er informasjon det einaste som skal til for at normaltilstanden vert gjennoppretta hjå innringarane, seier ein perspirerande Skau.

Kva som ligg til grunn for at feilinformasjon av denne typen kjem på trykk er enno ikkje kome på det reine, men Nyhende lukkast fredag føremiddag å komma i kontakt med Sogn Avis-journalist Joachim S Laberg som står bak den aktuelle artikkelen.
- Slikt skal sjølvsagt ikkje forekomma, ikkje eigong i Sogn Avis. Til mitt forsvar vil eg sei at eg vitterleg er klar over at Fres Festival 2007 går av stabelen siste helga juli, men nokre gonger går det litt fort i svingane i kulturblekka Sogn Avis. I tillegg har det nok vore mest fokus på saka sitt innhald, seier ein angrande Laberg som lovar bot, betring samt eit dementi.

Nyhende kjem attende med fleir

Roadkill! Unplugged på Fres 07!

Lagt inn den av


Bookingavdelinga med nok eit scoop! Det var føremiddag tirsdag at bookingavdelinga på Fres Festival i Fresvik, Sogn Indre, kunne sleppa glanyhenda om at whiskyrockararane i Roadkill tek turen til årets festival. Dermed var endå eit av delemåla på bookingsida innfridd. Mange hugsar sikkert fjordårets leopardthightsbekledde show frå overfornemnte band med stor glede. årets variant av Roadkill, som er alltid er på søken etter det nye og friske utrykket, vert ei nedstrippa utgåve som vil framføra eit eksklusivt utvalg av akkustiske versjonar frå deira kommande album direkte frå Camp Stage i samband med den heidundrande livesendinga til moroklompane i Radio Fres.

Nyhende var natt til onsdag i kontakt med James Mean frå Roadkill og han kunne melde at dei kom til å trø til med kassaversjonar av nokre frekke låtar frå det kommande albumet. Nyhende veit i skrivande stund ikkje om dette albumet vil verte ferdig til årets Fres, men det håpar vi alle på.

Sjekk ut Roadkill her for plugga versjoar.

Nyhende kjem attende med reir